पुण्याला कोरोनाचा विळखा, रविवारपर्यंत तीन शाळांना सुट्टी जाहीर

पुण्याला कोरोनाचा विळखा, रविवारपर्यंत तीन शाळांना सुट्टी जाहीर

खबरदारी म्हणून पुण्यात आपत्ती व्यवस्थापन कायदा लागू (Disaster Management Act ) करण्यात आला आहे

  • Share this:

पुणे, 11 मार्च : पुण्यातील (Pune) कोरोना (Corona Virus) पॉझिटिव्ह रुग्णांची संख्या 5 झाल्याने अधिक सजग राहण्याची आवश्यकता व्यक्त केली जात आहे. एका बाजूला पुण्याच्या जिल्हाधिकाऱ्यांनी आपत्ती व्यवस्थापना कायदा लागू (Disaster Management Act ) केला असून पुण्यातील तीन शाळांना रविवारपर्यंत सुट्टी जाहीर करण्यात आली आहे.

पुण्यात कोरोना बाधित 5 रुग्ण आढळून आल्याने भीती व्यक्त केली जात आहे. झपाट्याने पसरणाऱ्या कोरोनापासून खबरदारी म्हणून पुण्यातील तीन शाळांना सुट्टी जाहीर करण्यात आली आहे. कात्रज, धायरी, नांदेड सिटीमधील तीन शाळांना रविवारपर्यंत सुट्टी देण्यात आली आहे.

खबरदारी म्हणून पुण्यात तीन शाळांना सुट्टी देण्यात आली आहे. रविवारपर्यंत या शाळांना सुट्टी देण्यात आली आहे. कात्रज, धायरी, नांदेड सिटीमधील (प्रत्येकी) तीन शाळांना रविवारपर्यंत सुट्टी जाहीर करण्यात आली आहे. कोरोनाच्या पार्श्वभूमीवर खबरदारीचा उपाय म्हणून शाळांना सुट्टी देण्यात आली आहे. संक्रमण थांबवणे हा मुख्य हेतू असून यामध्ये वैयक्तिक काळजी घेणे अत्यंत आवश्यक असल्याचे जिल्हाधिकारी नवल किशोर राम यांनी सांगितले. संक्रमण थांबविण्यासाठी नागरिकांनी गर्दीच्या ठिकाणी जाणे टाळावे असेही त्यांनी यावेळी सांगितले.

संबंधित - काळजी वाढली! कोरोनाची लक्षणं दिसायला लागत आहेत 5 ते 14 दिवस

दुबईहून प्रवास करुन आलेले पुण्यातील 2 प्रवासी कोरोना बाधित आढळल्यानंतर त्यांच्या निकटसहवासितांचा शोध घेणे युद्धपातळीवर सुरु असून या रुग्णांची मुलगी तसेच ज्या ओला टॅक्सीने या रुग्णांनी मुंबई-पुणे प्रवास केला. टॅक्सी ड्रायव्हर आणि त्यांचा विमानातील सहप्रवासी हे तीन निकटसहवासित देखील कोरोना बाधित आढळले आहेत. त्यामुळे पुण्यातील करोना पॉझिटिव्ह रुग्णांची संख्या 5 झाली आहे. नागरिकांसाठी 104 टोल फ्री क्रमांक कार्यान्वित करण्यात येणार आहे. पुणेकरांना  कोरोना संदर्भात अधिक माहिती हवी असल्यास त्यांनी राज्यस्तरीय नियंत्रण कक्ष व राष्ट्रीय कॉल सेंटर क्रमांक 91-11-23978046 यावर संपर्क साधावा.

संबंधित - VIDEO : ‘Corona Go..Corona Go’, मुंबईत रामदास आठवलेंची घोषणाबाजी

First published: March 11, 2020, 8:30 AM IST

ताज्या बातम्या

corona virus btn
corona virus btn
Loading