Home /News /maharashtra /

काँग्रेस आंदोलनात ना 'भाजप'चं नाव, ना डीपी बदलला, अशोक चव्हाणांच्या मनात काय?

काँग्रेस आंदोलनात ना 'भाजप'चं नाव, ना डीपी बदलला, अशोक चव्हाणांच्या मनात काय?

देशभरातली वाढती महागाई, जीएसटी या प्रश्नांवर देशभरात काँग्रेसने (Congress Protest) आज आंदोलन केलं. या आंदोलनादरम्यान काँग्रेस नेत्यांनी भाजप सरकार तसंच इडीच्या कारवायांवर जोरदार टीका केली, पण काँग्रेस नेते अशोक चव्हाणांच्या (Ashok Chavan) सोशल मीडिया अकाऊंटवरून अनेकांच्या भुवया उंचावल्या आहेत.

पुढे वाचा ...
    मुंबई, 5 ऑगस्ट : देशभरातली वाढती महागाई, जीएसटी या प्रश्नांवर देशभरात काँग्रेसने (Congress Protest) आज आंदोलन केलं. महाराष्ट्रामध्येही काँग्रेसचे नेते आंदोलनासाठी रस्त्यावर उतरले होते. मुंबईमध्ये राजभवनासमोर काँग्रेसची निदर्शनं होणार होती, पण पोलिसांनी काँग्रेस नेत्यांना आधीच ताब्यात घेतलं. या आंदोलनादरम्यान काँग्रेस नेत्यांनी भाजप सरकार तसंच इडीच्या कारवायांवर जोरदार टीका केली, पण काँग्रेस नेते अशोक चव्हाणांच्या (Ashok Chavan) सोशल मीडिया अकाऊंटवरून अनेकांच्या भुवया उंचावल्या आहेत. राज्यातल्या अनेक काँग्रेसच्या नेत्यांनी या आंदोलनाचे फोटो आणि व्हिडिओ त्यांच्या अधिकृत सोशल मीडिया अकाऊंटवर टाकले आहेत. यासोबतच नेत्यांनी केंद्रातल्या भाजप सरकारवर महागाई, जीएसटी आणि इडीच्या कारवायांवरून थेट टीका केली आहे. अशोक चव्हाण यांनीही या आंदोलनाचा व्हिडिओ सोशल मीडियावर शेअर केला, पण त्यांनी कुठेही भाजपचा उल्लेखही केला नाही. काय म्हणाले अशोक चव्हाण? वाढती महागाई, अन्नधान्यावरील जीएसटी, बेरोजगारी आणि 'अग्निपथ' योजनेविरूद्ध आज राजभवनावर काँग्रेस पक्षाची निदर्शने होणार होती. मात्र पोलिसांनी त्यापूर्वीच प्रमुख नेते व पदाधिकाऱ्यांना ताब्यात घेतले, असं ट्वीट अशोक चव्हाण यांनी केलं, पण त्यांनी यात थेट भाजपवर निशाणा साधण्याचं टाळलं आहे. या आंदोलनानंतर मुंबईमध्ये काँग्रेसची पत्रकार परिषद झाली. या पत्रकार परिषदेच्या व्यासपीठावर काँग्रेसचे इतर नेते होते, पण अशोक चव्हाण दिसले नाहीत. डीपीही बदलला नाही आझादी का अमृत महोत्सव या उपक्रमाअंतर्गत पंतप्रधान नरेंद्र मोदींनी देशवासियांना सोशल मीडिया अकाऊंटच्या डीपीवर देशाचा तिरंगा ठेवण्याचं आवाहन केलं. पंतप्रधानांच्या या आवाहनाला काँग्रेसने नेहरूंचा तिरंग्यासोबतचा फोटो डीपीला ठेवून प्रत्युत्तर दिलं. राहुल गांधी, प्रियंका गांधी यांच्यासह काँग्रेसच्या देशभरातल्या नेत्यांनी त्यांच्या सोशल मीडिया अकाऊंटवर नेहरूंचा तिरंगा असलेला फोटो ठेवला आहे. महाराष्ट्रातले काँग्रेस नेतेही याला अपवाद नाहीत, पण अशोक चव्हाण यांनी मात्र डीपी बदलला नाही. मी काँग्रेसमध्येच मागच्या काही दिवसांपासून अशोक चव्हाण भाजपमध्ये जाणार या चर्चा जोरात सुरू आहेत, पण आपण असा कोणताही निर्णय घेतलेला नाही, एवढीच प्रतिक्रिया दिली आणि भविष्यातल्या रणनितीबाबतचा संभ्रम कायम ठेवला. अशोक चव्हाणांसह काँग्रेस आमदारांना नोटीस मुख्यमंत्री एकनाथ शिंदे यांच्या विश्वासदर्शक ठरावावेळी काँग्रेसचे 11 आमदार विधिमंडळात उशीरा पोहोचले, त्यामुळे त्यांना मतदानामध्ये सहभागी होता आलं नाही. काँग्रेसच्या या आमदारांमध्ये अशोक चव्हाण, विजय वडेट्टीवार, धीरज देशमुख, प्रणिती शिंदे, जितेश अंतापूरकर, झिशान सिद्दीकी, राजू आवळे, मोहन हंबर्डे, कुणाल पाटील, माधवराव जवळगावकर आणि शिरिष चौधरी यांचा समावेश होता. विश्वासदर्शक ठरावावेळी मतदानाला उपस्थित न राहिल्यामुळे काँग्रेसने या आमदारांना कारणे दाखवा नोटीस बजावली आहे. या नोटीसीवरून अशोक चव्हाण नाराज असल्याचं बोललं जात आहे.
    Published by:Shreyas
    First published:

    Tags: अशोक चव्हाणCongress

    पुढील बातम्या