BREAKING : डहाणूमध्ये फटाका कंपनीत भीषण स्फोट, 5 ते 10 किमी परिसर हादरला, LIVE VIDEO

पालघर, 17 जून : पालघर (Palghar) जिल्ह्यातील डहाणू (Dahanu ) तालुक्यात एका फटाका कंपनीत भीषण स्फोट झाल्याची घटना घडली आहे. स्फोटानंतर भीषण आग लागली आहे. या स्फोटामुळे डहाणूत एकच खळबळ उडाली आहे. अग्निशमन दलाच्या गाड्या घटनास्थळी रवाना झाल्या आहे. डहाणू तालुक्यातील डेहणे येथील विशाल फटाका कंपनीत ( vishal Fireworks Company) भीषण स्फोट झाला आहे. डहाणू हायवेपासून 15 किमी अंतरावर जंगलात ही कंपनी आहे.  अचानक झालेल्या स्फोटाने आजूबाजूचा 5 ते 10 किलोमीटर अंतरावरील घरांना मोठे धक्के जाणवले आहे.

#पालघर मधील डहाणू तालुक्यात फटाका कंपनीच्या बाजूला स्फोट, होऊन लागली आग pic.twitter.com/evxBFel0qy

— News18Lokmat (@News18lokmat) June 17, 2021

कंपनीत वेल्डिंगचे काम करत असताना ठिणगी लागून फटाके कंपनीला लागलेल्या आगीत फटाके कारखाना जळून खाक झाल्याची घटना गुरुवारी सकाळी १० च्या सुमारास घडली. दरम्यान कारखान्यात काम करणारे १० कामगार गंभीर जखमी झाले आहेत तर २० हुन अधिक कामगार किरकोळ जखमी झाले असून त्यांना  कुटीर रुग्णालय डहाणू, खाजगी दवाखाना तसंच वापी येथे उपचारासाठी हलवण्यात आले आहे. फटाके कारखान्याला आग लागून झालेल्या भीषण स्फोटात आगवण, डेहणे, पळे, आशागड, डहाणू शहर, वाणगाव, देदाळे, साखरे  यासह कासा चारोटी परिसरात हादरे बसले. सुरवातीला हे भूकंपाचे धक्के असावेत, असे नागरिकांना वाटले. मात्र आगडोंब  उसळू लागल्यानंतर परिसरात भीतीचे वातावरण पसरले. रिलायन्स प्रकल्प तसंच बोईसरहुन अग्नीशमक दल पाचारण करण्यात आल्यानंतर दुपारी आग आटोक्यात आली. डहाणू पोलिसांनी परिस्थिती नियंत्रणात आणण्यासाठी प्रयत्न केले.