वीज बिलाबाबत बॉलिवूड कलाकारांनी केली तक्रार; ऊर्जा मंत्र्यांनी सुचवला हा उपाय

मुंबई, 29 जून : मुंबईकरांना यंदाची बिलं पाहून जोरदार झटका लागला आहे.  मुंबईतील सर्वसामान्यांपासून बॉलिवूड कलाकारांचेही मोठ्या आकड्यांचे बिल पाहून डोळे मोठे झाले आहे. बर्‍याच कलाकारांना वाढीव वीज बिलाबाबत सोशल मीडियावर तक्रार केली आहे.

अभिनेत्री तापसी पन्नूनंतर अभिनेत्री रेणुका शहाणे यांनीही सोशल मीडियावर वीज बिलाबद्दल तक्रार केली आहे. चित्रपट अभिनेत्री रेणुका शहाणे, तापसी पन्नू यांच्यानंतर तुषार गांधी यांनी सोशल मीडियाच्या माध्यमातून हा विषय उपस्थित केला आहे. बॉलिवूड कलाकारांच्या तक्रारीवर महाराष्ट्राचे ऊर्जामंत्री नितीन राऊत बिलात कोणतीही फसवणूक झालेली नसल्याचे सांगितले आहे. त्यामुळे बिल हप्त्यात (Installment) भरा, असं नितीन राऊत यावेळी म्हणाले.

हे वाचा-24 तासांतील महाराष्ट्र पोलिसांतील बाधितांचा धक्कादायक आकडा; 2 जणांचा मृत्यू

Dear @Adani_Elec_Mum I got a bill of Rs5510/= on the 9th of May while in June I got a bill of Rs 29,700 combining May & June where you've charged me Rs 18080 for the month of May. How did Rs.5510/= become Rs.18080/=? pic.twitter.com/64zlmNe8Qo

— Renuka Shahane (@renukash) June 28, 2020

3 months of lockdown and I wonder what appliance(s) I have newly used or bought in the apartment only last month to have such an insane rise in my electricity bill. @Adani_Elec_Mum what kind of POWER r u charging us for? pic.twitter.com/jZMMoxDMgj

— taapsee pannu (@taapsee) June 28, 2020

महाराष्ट्राचे ऊर्जामंत्री नितीन राऊत यावर म्हणाले की, विज बिलाबाबत फसवणूक होत नाही. वास्तवात महावितरणाला सुमारे 3500 कोटी रुपयांचे नुकसान झाले आहे. जे लोक त्यांच्या बिलाचे अतिरिक्‍त मूल्य घेतल्याबद्दल तक्रार करतात, ते बिल ऑनलाईन तपासू शकतात आणि हप्ते भरण्याचा पर्याय घेऊ शकतात. त्यांना संपूर्ण रक्कम एकदाच देण्याची गरज नाही. यासंदर्भात विभागाकडून वीजपुरवठा बंद करण्यात येणार नाही.

संपादन - मीनल गांगुर्डे