गोपीचंद पडळकर आंदोलनाला आले लेट, कार्यकर्ते पोहोचले जिल्हाधिकाऱ्यांकडे थेट!

 बालाजी निरफळ,प्रतिनिधी उस्मानाबाद, 06 ऑक्टोबर : मराठा आरक्षणाचा मुद्दा पेटलेला असताना धनगर समाजाही आरक्षणाच्या मागणी रस्त्यावर उतरला आहे.  राज्यात ठिकठिकाणी भाजपचे आमदार गोपीचंद पडळकर यांच्या उपस्थितीत आंदोलनं होतं आहे. पण, उस्मानाबादेत पडळकर आंदोलनात वेळेत न आल्याने पडळकर समर्थक आणि आंदोलकात शाब्दिक चकमक उडाली. धनगर समाजाच्या आरक्षणाच्या मागणीसाठी उस्मानाबादेत धनगर आरक्षण कृती समितीच्या वतीने रास्ता रोको व मोर्चाचे आयोजन करण्यात आल होतं. दरम्यान, या आंदोलनात भाजप आमदार गोपीचंद पडळकर हे देखील उस्मानाबादेत उपस्थित झाले होते. मात्र, आंदोलन सुरू होवून देखील पडळकर हे आंदोलनात वेळेत उपस्थित न झाल्याने या मोर्चात दोन गट निर्माण झाले. मल्हार सेनेचे सुरेश कांबळे यांनी पडळकर वेळेत न आल्याने नाराजी व्यक्त केली व आंदोलन पूर्ण करून घ्या, अशी भूमिका घेतली. एवढंच नाही तर त्यांनी धनगर समाजाच्या मागणीचे निवेदन हे जिल्हाधिकारी यांना दिले.

#उस्मानाबाद : धनगर समाजाचा मोर्चा, आमदार गोपीचंद पडळकर यांच्या येण्यावरून पेटला वाद pic.twitter.com/SyOI327CoJ

— News18Lokmat (@News18lokmat) October 6, 2020

या वेळी मोर्चात सहभागी काही आंदोलक व पडळकर समर्थकांमध्ये चांगलीच  शाब्दिक चकमक उडाली. आंदोलकांनी आमदार पडळकर यांची वाट न पाहता आपल्या मागण्याचे जिल्हाधिकाऱ्यांना निवेदन दिले. आंदोलन सुरू असताना पडळकर मात्र, भाजप कार्यालयात व्यस्त होते. दरम्यान, राजकीय लोकांना समाजामध्ये चळवळीमध्ये भाग घेण्यास विरोध आहे. त्यामुळे राजकीय लोकांना बाजूला ठेवून आम्ही चळवळ उभा करत आहोत. अनेकांनी आजपर्यंत समाजाला फसवलं आहे, असा आरोप यावेळी आंदोलक सुरेश कांबळे यांनी केला. हाथरस घटनेच्या निषेधासाठी जमलेल्या काँग्रेस कार्यकर्त्यांमध्ये तुफान हाणामारी मात्र, 'कुणाची भूमिका काय आहे. याबद्दल मला उत्तर द्यायचे नाही. मी समाजाचा कार्यकर्ता आहे. मी राज्यभर फिरत राहणार, भाजपाचा पदाधिकारी म्हणून मी इथं उपस्थित नाही', असं आमदार गोपीचंद पडळकर यांनी सांगितलं.