पुस्तकांच्या गावात तुमचं स्वागत

पुस्तकांच्या गावात तुमचं स्वागत

सातारा जिल्ह्यातलं भिलार हे गाव आतापर्यंत गोड अशा स्ट्रॉबेरीसाठी आणि पर्यटनासाठी प्रसिद्ध होतं. मात्र आता या गावाची ओळख बदलतेय. 'पुस्तकांचं गाव ' म्हणून या गावाकडे आता पाहिले जाणार आहे.

  • Share this:

तुषार तपासे, 23 एप्रिल : सातारा जिल्ह्यातलं भिलार हे गाव आतापर्यंत गोड अशा स्ट्रॉबेरीसाठी आणि पर्यटनासाठी प्रसिद्ध होतं. मात्र आता या गावाची ओळख बदलतेय. 'पुस्तकांचं गाव ' म्हणून या गावाकडे आता पाहिले जाणार आहे.

निवांत जागा, भरपूर पुस्तकं. असं अनेकांचं स्वप्न असतं. हे स्वप्न आता प्रत्यक्षात उतरतंय ते पुस्तकांच्या गावाच्या रूपानं. पर्यटनाबरोबर वाचन संस्कृती लोकांमध्ये रुजावी यासाठी राज्य मराठी विकास संस्थेच्या मराठी भाषा विभागाने हे पुस्तकांचं गाव उभारलंय. हे गाव आहे सातारा जिल्ह्यातल्या पाचगणी, महाबळेश्वरच्या मध्यभागी असलेलं भिलार. गावातली २५ ठिकाणं निवडण्यात आलीयत. त्यात पर्यटकांना निवासाची सोय असणारी घरं, लॉजिंग, शाळा यांचा समावेश आहे.

या गावातली २५ ठिकाणं ठाण्यातले प्रसिद्ध चित्रकार सदाशिव कुलकर्णी आणि त्यांच्या टीमनं अतिशय सुरेख अशा पुस्तकाच्या चित्रांनी रंगवली आहेत. गावात आलेल्या पर्यटकांना ते ज्या ठिकाणी थांबणार आहेत त्या घरांमध्ये, लॉजिंगमध्ये वेगवेगळ्या प्रकारची पुस्तकं मिळतील. त्यासाठी राज्य मराठी विकास संस्थेनं तब्बल १५ हजार पुस्तकं, कपाटं, खुर्च्या, टेबल, छत्र्या यांची सोय केलीय.

पुस्तकांचं गाव ही संकल्पना चांगली आहे. पण, मुळातच वाचन संस्कृती कमी होत चाललीय. त्यामुळे वाचकांना या गावांपर्यंत आणण्यात ही संकल्पना कितपत यशस्वी होते, यावर तिचं भवितव्य अवलंबून आहे.

First published: April 23, 2017, 4:14 PM IST

ताज्या बातम्या

corona virus btn
corona virus btn
Loading