मराठी बातम्या /बातम्या /महाराष्ट्र /

बीड : वृद्ध काका-काकू घरात असताना तो आला अन् अंगणात रक्ताचा सडा

बीड : वृद्ध काका-काकू घरात असताना तो आला अन् अंगणात रक्ताचा सडा

प्रातिनिधिक फोटो

प्रातिनिधिक फोटो

वृद्ध काका-काकू घरात असताना तो आला अन् अंगणात रक्ताचा सडा; बीडमधली धक्कादायक घटना

  • News18 Lokmat
  • Last Updated :
  • Mumbai, India
  • Published by:  Ajay Deshpande

बीड, 26  नोव्हेंबर :  बीड जिल्ह्यातून धक्कादायक घटना समोर आली आहे. शेतीच्या जुन्या वादातून पुतण्यानेच वयोवृद्ध चुलता, चुलतीवर कोयत्याने हल्ला केला. या हल्ल्यामध्ये हे वृद्ध दाम्पत्य गंभीर जखमी झाले. या घटनेत जखमी झालेल्या वृद्धाचा मृत्यू झाला आहे, तर महिलेवर उपचार सुरू आहेत. बीड तालुक्यातील मुळुकवाडी येथे ही घटना घडली आहे. बळीराम मसाजी निर्मळ वय 80 वर्ष आणि  केसरबाई बळिराम निर्मळ वय 70 वर्ष असं या दाम्पत्याचं नाव आहे.

हल्ल्यात वृद्धाचा मृत्यू  

घटनेबाबत अधिक माहिती अशी की, बीड तालुक्यातील मुळुकवाडीमध्ये आज सकाळी सात वाजता बेसावध असलेल्या वृद्ध दाम्पत्यावर कोयत्याने प्राणघातक हल्ला करण्यात आला. या हल्यात या दाम्पत्याला प्रतिकार करण्याची देखील संधी मिळाली नाही. घटनेची माहिती मिळताच शेजाऱ्यांनी घटनास्थळी धाव घेतली. रक्ताच्या थारोळ्यात पडलेल्या पतीपत्नीला तातडीने रुग्णालयात दाखल करण्यात आले. मात्र बळीराम निर्मळ यांना डॉक्टरांनी तपासून मृत्यू घोषीत केले तर या हल्ल्यात गंभीर जखमी झालेल्या केसरबाई बळिराम निर्मळ यांच्यावर उपचार सुरू आहेत.

पोलीस घटनास्थळी दाखल  

दरम्यान घटनेची माहिती मिळताच नेकनूर पोलीस घटनास्थळी दाखल झाले आहेत. रोहीदास विठ्ठल निर्मळ वय 50 असं या प्रकरणातील आरोपीचं नाव आहे. पुढील तपास  सुरू असल्याची माहिती पोलिसांनी दिली असून,  या घटनेनं जिल्ह्यात खळबळ उडाली आहे.

First published:

Tags: Beed