महाराष्ट्र
शिरुरमध्ये निवडणुकीनंतर वातावरण तापलं, राष्ट्रवादीच्या कार्यकर्त्यावर प्राणघातक हल्ला
शिरुरमध्ये निवडणुकीनंतर वातावरण तापलं, राष्ट्रवादीच्या कार्यकर्त्यावर प्राणघातक हल्ला
- News18 Lokmat
- Last Updated :
संबंधित बातम्या
निवडणूक आयोगासमोर ठाकरे गटाचा मोठा दावा; अखरेच्या क्षणी शिंदे गटाचंही उत्तर
सत्यजित तांबे यांनी जे टाळलं, ते पत्नीने पाळलं! थेट शुभांगी पाटील यांच्यासोबत..
थेट मतदान केंद्रावरच शुभांगी पाटील यांच्याकडून प्रचार? हात जोडून.. Video व्हायरल
पुण्यात महाविकास आघाडीमध्ये बिघाडी? कसबा मतदारसंघावर काँग्रेस, ठाकरे गटाचा दावा
शिरूर, 1 मे : शिरुर लोकसभा मतदारसंघात निवडणुकीनंतर राजकीय वाद टोकाला गेला आहे. फेसबुक पोस्टवरून झालेल्या वादाचं रुपांतर नंतर थेट हाणामारीत झालं आहे. यात विधानसभेचे माजी अध्यक्ष दिलीप वळसे-पाटील यांचे स्वीय सहाय्यक काळूराम दांगट व त्यांच्या पत्नीवर (सोमवारी) मध्यरात्री प्राणघातक हल्ला करण्यात आला आहे.
आंबेगाव तालुक्यातील मेंगडेवाडी येथे हा प्रकार घडला आहे. ही मारहाण शिवसेनेचे नेते आणि निरगूडसर गावचे माजी सरपंच रवींद्र वळसे पाटील आणि त्यांच्या सहकाऱ्यांकडून केली गेली, आहे असा आरोप काळूराम दांगट यांनी केला आहे. मात्र रवींद्र वळसे पाटील यांनी हे आरोप फेटाळले आहेत. आम्हाला राजकीय क्षेत्रात बदनाम करण्यासाठीचं हे षडयंत्र आहे, असं रविंद्र वळसे सांगत आहेत.
या सगळ्या घटनेनंतर मंचर पोलीस स्थानकात दोन्ही बाजूंकडून तक्रार दाखल करण्यात आली आहे. तसंच पोलिसांनी याप्रकरणी गुन्हा दाखल केला आहे.
दरम्यान, मंगळवारी पहाटेपासून काळूराम दांगट मंचर उपजिल्हा रुग्णालयात त्यांच्यावर उपचार सुरू होते. दांगट यांना चार जखमा झाल्या असून, त्यांच्या मेंदूलाही इजा झाल्याची शक्यता व्यक्त करण्यात आली आहे. त्यामुळे सिटीस्कॅन व अन्य तपासण्या व उपचारासाठी त्यांना पुण्याला हलवण्यात आलं आहे. उपजिल्हा रुग्णालयात विधानसभेचे माजी अध्यक्ष दिलीप वळसे-पाटील यांनी भेट देऊन दांगट व त्यांच्या पत्नीची विचारपूस केली.
SPECIAL REPORT : 'प' पवारांचा आणि 'प' पंतप्रधानांचा, हे गणित जुळणार?
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Loksabha 2019 election, NCP, Shirur