Home /News /maharashtra /

अनिल परबांचं रिसॉर्ट वादाच्या भोवऱ्यात; समुद्र किनाऱ्यावरील रिसॉर्टची केंद्रीय पथकाकडून पाहणी

अनिल परबांचं रिसॉर्ट वादाच्या भोवऱ्यात; समुद्र किनाऱ्यावरील रिसॉर्टची केंद्रीय पथकाकडून पाहणी

Anil Parab Sai Resort Dapoli: राज्याचे परिवहन मंत्री अनिल परब यांचे दापोलीतील रिसॉर्ट वादाच्या भोवऱ्यात आले आहे. केंद्रीय पथकाने आज या रिसॉर्टची पाहणी केली.

शिवाजी गोरे, प्रतिनिधी रत्नागिरी, 12 जून: रत्नागिरी जिल्ह्यातील दापोली मुरुड समुद्र किनाऱ्यावर (Murud beach Dapoli) बांधण्यात आलेलं साई रिसॉर्ट (Sai Resort) वादाच्या भोवऱ्यात सापडले आहे. जिल्ह्याचे पालकमंत्री तथा परिवहन मंत्री अनिल परब (Anil Parab) यांनी हे रिसॉर्ट आहे. अनिल परब यांनी हे रिसॉर्ट बेकायदेशीरपणे बांधले असल्याची तक्रार भाजपचे माजी खासदार किरीट सोमय्या यांनी केली होती. त्यानंतर आता या रिसॉर्टची पाहणी करण्यासाठी केंद्रीय पथक महाराष्ट्रात आले आणि त्यांनी रिसॉर्टची पाहणी केली. किरीट सोमय्या यांनी केलेल्या या तक्रारीनंतर या वादग्रस्त साई रिसॉर्टची पाहणी आज केंद्रीय पथकाकडून करण्यात आली. हे पथक केंद्राच्या पर्यावरण विभागाकडे अहवाल सादर करणार आहे, त्यानंतर या साई रिसॉर्टचे भवितव्य ठरणार आहे. सध्यातरी भाजपा विरुद्ध महाविकास आघाडी सरकार यांच्यामधला कलगीतुरा या रिसॉर्ट च्या वादातून पाहायला मिळत आहे. दरम्यान, या संपूर्ण प्रकरणामुळे अनिल परब यांच्या अडचणीत वाढ होणार असल्याचं बोललं जात आहे. अनिल परब यांनी काही लोकांशी संगनमत करुन कोणत्याही प्रकारची परवानगी न घेता सीआरझेडचे उल्लंघन करुन खोटे बनावटी कागदपत्रे, पुरावे तयार करुन 22 डिलक्स खोल्यांचे 4 तारांकित 10 कोटी रुपयांचा रिसॉर्ट बांधला आहे अशी तक्रार भाजप नेते किरीट सोमय्या यांनी केली होती. यासोबतच किरीट सोमय्यांनी आपल्या तक्रारीत म्हटलं होतं की, अनिल परब हे मंत्री आहेत, वकील आहेत तरीही त्यांनी अशी खोटी फसवणूक करण्याचा करार केला आणि शासनाची फसवणूक केली आहे. हे रिसॉर्ट बेकायदेशीर आहे आणि त्यावर कारवाई करावी.
Published by:Sunil Desale
First published:

Tags: Anil parab, Ratnagiri

पुढील बातम्या