कुणाचा होणार महापौर? गिरीश महाजन नगरमध्ये दाखल, राजकीय हालचालींना वेग

कुणाचा होणार महापौर? गिरीश महाजन नगरमध्ये दाखल, राजकीय हालचालींना वेग

कमी जागा असूनही भाजपनं महापौरपदावर दावा केला आहे. आकड्याचं गणित जुळल्यामुळे भाजपनं महापौरपदाचा अर्ज भरला, अशी माहिती सूत्रांनी दिली आहे.

  • Share this:

अहमदनगर, 28 डिसेंबर : अहमदनगरमध्ये आज महापौर आणि उपमहापौरपदासाठी निवडणूक होत आहे. या पार्श्वभूमीवर जलसंपदा मंत्री गिरीश महाजन नगरमध्ये दाखल झाले आहेत. संख्याबळ नसतानाही भाजपकडून सत्तास्थापनेसाठी हालचाली सुरू आहेत.

अहमदनगर महानगरपालिका महापौर निवडणुकीसाठी भाजपनं कर्नाटक पॅटर्न हाती घेतला आहे. सर्वात कमी जागा असूनही भाजपनं महापौरपदाच्या निवडणुकीत उडी घेतली आहे. "आपलाच महापौर होणार", असा दावाच भाजपनं केला आहे.

10 डिसेंबर रोजी अहमदनगर महापालिका निवडणुकांची मतमोजणी झाली. 68 जागांपैकी शिवसेना-24, राष्ट्रवादी-18, भाजप-14 अशा जागांवर आहे. परंतु, 35 जागांचा बहुमताचा आकडा कोणत्याही पक्षाला गाठता आला नाही. आज महापौरपदाच्या निवडणुकीत भाजपनंही उडी घेतल्यामुळे चुरस वाढली आहे.

भाजपकडून महापौरपदासाठी बाबासाहेब वाकळे यांनी अर्ज भरला आहे. तर शिवसेनेचे बाळासाहेब बोराटे आणि राष्ट्रवादीचे संपत बरस्कार यांनी अर्ज भरला आहे.

कमी जागा असूनही भाजपनं महापौरपदावर दावा केला आहे. आकड्याचं गणित जुळल्यामुळे भाजपनं महापौरपदाचा अर्ज भरला, अशी माहिती सूत्रांनी दिली आहे.

भाजपनं महापौरपदासह उपमहापौरपदासाठीही अर्ज भरला आहे. उपमहापौरपदासाठी भाजपकडून मालन ढोणे यांनी आपला अर्ज भरला आहे. तर शिवसेनेकडून गणेश कवडे आणि राष्ट्रवादीकडून रुपाली वारे यांनी अर्ज भरला आहे.

महापौरपदासाठी कोण कुणाला पाठिंबा देणार याबद्दल सस्पेन्स वाढला आहे. त्यामुळे घोडेबाजाराला जोर आला आहे. तर दुसरीकडे अनेक नगरसेवकांचा संपर्क होत नसल्याचं समोर आलं आहे.

विशेष म्हणजे, कर्नाटक विधानसभा निवडणुकीतही सत्तेचा पेच निर्माण झाला होता. भाजपकडे पूर्ण संख्याबळ नसतानाही बी.एस.येडीयुरप्पा यांनी सत्तेचा दावा केला होता. परंतु, संख्याबळ सिद्ध न करू शकल्यामुळे ऐनवेळी भाजपला माघार घ्यावी लागली होती. आता नगरमध्येही भाजपने कर्नाटकसारखीच खेळी केली असल्याची चर्चा रंगली आहे.

महापौरपदाच्या शर्यतीत कोण-कोण?

शिवसेना - बाळासाहेब बोराटे

भाजप - बाबा वाकळे

राष्ट्रवादी- संपत बारस्कर

उपमहापौरपदासाठी कुणी भरला अर्ज?

शिवसेना - गणेश कवडे

भाजप - मालन ढोणे

राष्ट्रवादी - रुपाली वारे

VIDEO : बच्चू कडू जेव्हा कबड्डीच्या मैदानात उतरतात..

First Published: Dec 28, 2018 10:39 AM IST

ताज्या बातम्या

corona virus btn
corona virus btn
Loading