Home /News /maharashtra /

अजोय मेहतांच्या जागी संजय कुमार राज्याचे मुख्यसचिव; मेहतांना दिली मोठी जबाबदारी

अजोय मेहतांच्या जागी संजय कुमार राज्याचे मुख्यसचिव; मेहतांना दिली मोठी जबाबदारी

गेल्या काही दिवसांपासून अनेक मोठ्या विभागांमध्ये बदल करण्यात आले आहे

    मुंबई, 24 जून : सध्याचे मुख्य सचिव अजोय मेहता हे 30 जून रोजी सेवानिवृत्त होत आहे. त्यांना पुढे मोठी जबाबदारी देण्यात आली आहे. 1 जुलैपासून ते मुख्यमंत्र्यांचे प्रधान सल्लागार म्हणून काम सांभाळणार आहेत. यासाठी त्यांना मुख्यमंत्री सचिवालयात 603 क्रमांकाचे दालन व मनुष्यबळ उपलब्ध करून देण्यात येत आहे. कोविडच्या पार्श्वभूमीवर राज्याची आर्थिक, प्रशासकीय, यंत्रणा परत वेगाने सुरू करण्यासाठी व्यापक आणि दीर्घ अनुभव असणाऱ्या व्यक्तीची मुख्यमंत्री सचिवालयात नितांत आवश्यकता असल्याने अजोय मेहता यांना निवृत्तीनंतर प्रधान सल्लागार हे पद देण्याचा निर्णय मुख्यमंत्र्यांनी घेतला आहे. त्यामुळे अजोय मेहता यांच्यावर मोठी जबाबदारी सोपवण्यात आली आहे. 1984 च्या बॅचचे अजोय मेहता यांनी प्रशासनात विविध महत्वाची पदे भूषविली आहेत. आता ते प्रामुख्याने कोविडच्या पार्श्वभूमीवर आर्थिक व प्रशासकीय यंत्रणा वेगाने कार्यान्वित करण्याची तसेच नव्या औद्योगिक गुंतवणुकीला चालना देण्याची जबाबदारी पार पाडतील. हे वाचा-कोरोनानंतर मुंबईजवळही पोहोचला आणखी एक आजार; 231 रुग्ण दाखल, 31 जणांचा मृत्यू संजय कुमार यांची मुख्य सचिव पदावर नियुक्ती संजय कुमार यांची राज्याच्या मुख्य सचिवपदी नियुक्ती करण्यात आली आहे. विद्यमान मुख्य सचिव अजोय मेहता हे 30 जून रोजी सेवानिवृत्त होत असून त्यानंतर संजय कुमार सूत्रे स्वीकारतील. सध्या संजय कुमार हे गृहनिर्माण विभागाचे अपर मुख्य सचिव असून गृह विभागाचा अतिरिक्त कार्यभारही त्यांच्याकडे आहे.
    First published:

    Tags: Ajoy mehta, Corona virus, Udhav thackarey

    पुढील बातम्या