हिवाळ्यातील अनेक त्रास चुटकीसरशी दूर करते तुळस, दिनचर्येत असा करा वापर

मुंबई, 31 जानेवारी : भारतीय संस्कृतीत तुळशीच्या रोपाला खूप महत्त्व आहे. तुळशी जवळजवळ प्रत्येक घरात आढळते. आयुर्वेदातही तुळशीचा उपयोग मोठ्या प्रमाणावर केला जातो. तुळशीचा उपयोग वनौषधींसाठी प्राचीन काळापासून केला जातो. मल्टी-फंक्शनल तुळशीमध्ये अँटीफंगल, अँटीव्हायरल आणि अँटीबैक्टीरियल गुणधर्म असतात. या सर्व गोष्टी आपल्या आरोग्यासाठी खूप फायदेशीर मानल्या जातात.

जरी तुळशी देशभरात आढळत असली तरी अनेकांना अजूनही त्याच्या अनेक आरोग्यदायी फायद्यांविषयी माहिती नाही. हिवाळ्यात तुम्ही तुळशीचे अनेक फायदे तुमच्या रोजच्या दिनचर्येत समाविष्ट करून घेऊ शकता. तुम्ही तुळस चहामध्ये घालून पिऊ शकता, त्याचप्रमाणे तुम्ही तुमच्या दैनंदिन दिनचर्येत तुळस समाविष्ट करून आरोग्य फायदे मिळवू शकता.

हिवाळ्यात आवर्जून खा हा रानमेवा! आरोग्याला होतात चमत्कारिक फायदे

तुळशीची पाने चावा

तुम्ही तुळशीची मूठभर पाने देखील चावून खाऊ शकता. त्याचा तुमच्या आरोग्यावर चमत्कारिक परिणाम होऊ शकतो.

तुळशीचा चहा

जर तुम्ही चहाचे शौकीन असाल तर चहा बनवताना त्यात तुळशीची पाने मिसळा. हा चहा चवीला छान लागतो आणि श्वासोच्छवासाच्या समस्यांवर उपचार करण्यासाठी देखील फायदेशीर आहे. एक कप तुळशीचा चहा तुम्हाला दिवसभर उत्साही राहण्यास मदत करतो.

तुळशी जल

जर तुम्हाला चहा प्यायला आवडत नसेल तर एक ग्लास तुळशीचे पाणी पिणे हा एक चांगला पर्याय आहे. एका पातेल्यात थोडे पाणी आणि मूठभर तुळशीची पाने टाका. पाणी उकळू द्या. हे पाणी दिवसातून एक किंवा दोनदा प्या.

तुळशीच्या पानांचा रस

तुळशी हे केवळ आरोग्यदायीच नाही तर तुमच्या पेयांमध्ये ताजेतवाने चव आणते. घरी एक ग्लास रस तयार करताना तुम्ही मूठभर पाने टाकू शकता. ही पाने तुमच्या पेयांना एक नवीन चव देतात.

तुळशीच्या सेवनाचे फायदे

तुळशीमध्ये अॅन्टीबॅक्टरीयल, अँटी-फंगल आणि अँटी-व्हायरल गुणधर्म देखील असतात. तुळशीचे सेवन केल्याने रोगप्रतिकारक शक्ती वाढते.

सर्दी-खोकला, तापात आराम

हिवाळा येताच अनेकजण आजारी पडतात. त्यांना सर्दी, खोकला आणि तापाचा त्रास सुरू होतो. तुळशीमध्ये युजेनॉल असते, जे सर्दी, खोकला, ताप कमी करण्यास मदत करते.

दुधात शिळी पोळी खायला आवडते? या'वेळी खाल तर आरोग्याला होतील चमत्कारिक फायदे

रक्तदाब कमी करते

उच्च रक्तदाब ही सर्वात सामान्य आरोग्य समस्यांपैकी एक आहे. तुळशीमध्ये संयुगे असतात, ज्यामुळे शरीरातील सूज आणि रक्तदाब कमी होतो.

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)