Iodine Deficiency : आयोडीन शरीरासाठी का असते आवश्यक? हे 5 पदार्थ दूर करतील आयोडीनची कमतरता

मुंबई, 21 मार्च : आजच्या काळात अनेक लोकांमध्ये आयोडीनची कमतरता दिसून येत आहे. ही स्थिती वेळेवर सुधारली नाही तर मेंदूला हानी पोहोचण्याचा धोका वाढू शकतो. एवढेच नाही तर त्याचा मेंदूवरही परिणाम होऊ शकतो आणि हे परिणाम सुधारलेदेखील जाऊ शकत नाहीत. थायरॉईड हार्मोनच्या निर्मितीसाठी आयोडीन जबाबदार आहे. प्रौढांमध्ये या हार्मोनच्या कमतरतेमुळे मेंटल फॉग आणि इम्पेयर्ड थिंकिंग यासारख्या समस्या दिसून येतात. फक्त योग्य अन्न खाल्ल्याने तुम्हाला आयोडीनची कमतरता भरून काढण्यास मदत होऊ शकते. चला तर मग जाणून घेऊया की कोणत्या गोष्टी खाल्ल्याने आयोडीनची कमतरता पूर्ण होऊ शकते.

आयोडीनचे स्रोत

सी वीड

स्टाइलक्रेजच्या मते, एक ग्रॅम सीवीडमध्ये सुमारे 16 ते 2984 एमसीजी आयोडीन आढळू शकते. शरीरातील आयोडीनची स्थिती वाढवण्यासाठी हा एक उत्तम पदार्थ आहे.

इम्युनिटी वाढवण्याच्या नादात तुम्ही हळदीचे अतिसेवन तर करत नाही ना? होतील हे दुष्परिणाम

दूध

दुधात फक्त कॅल्शियमच नाही तर आयोडीनदेखील असते. एक कप दुधात सुमारे 56 mcg आयोडीन आढळते. दुधाचे सेवन करून शरीरातील आयोडीनचे प्रमाणही वाढवता येते. आईच्या दुधात आयोडीनदेखील असते, जे बाळाच्या मेंदूच्या विकासासाठी खूप महत्वाचे आहे.

आयोडीनयुक्त मीठ

1.5 ग्रॅम आयोडीनयुक्त मीठामध्ये 71 एमसीजी आयोडीन असते. मिठात आयोडीन असल्याने त्याचा आहारात पुरेशा प्रमाणात समावेश करावा.

समुद्री अन्न

त्याच्या तीन ग्रॅममध्ये 35 mcg आयोडीन आढळते. सी फूडमध्ये आयोडीनचे प्रमाण चांगले असते, परंतु ते शेलबरोबरच खाल्ले गेले पाहिजे, कारण त्याच्या शेलमध्येही भरपूर आयोडीन आढळते.

Fever Primary Care : ताप आल्यावर काय करावं? घरी प्राथमिक काळजी कशी घ्यावी?

मॅकरोनी

एक कप उकडलेल्या मॅकरोनीमध्ये 27 एमसीजी आयोडीन असते, जे शरीराच्या दैनंदिन गरजांसाठी पुरेसे असते.