Home /News /lifestyle /

3. अभिनेत्री Chhavi Mittal ची ब्रेस्ट कॅन्सरशी झुंज! महिलांनो या 5 लक्षणांकडे करू नका दुर्लक्ष

3. अभिनेत्री Chhavi Mittal ची ब्रेस्ट कॅन्सरशी झुंज! महिलांनो या 5 लक्षणांकडे करू नका दुर्लक्ष

Chhavi Mittal breast cancer surgery: स्तनाचा कर्करोग ही एक गंभीर समस्या आहे, ज्याची लक्षणे वेळीच समजून घेऊन त्यावर योग्य उपचार करता येतात. टीव्ही अभिनेत्री छवी मित्तलने (Chhavi Mittal) नुकताच खुलासा केला की ती स्तनाच्या कर्करोगाशी Breast Cancer) झुंज देत आहे.

पुढे वाचा ...
    मुंबई, 27 एप्रिल : टीव्ही अभिनेत्री छावी मित्तल (Chhavi Mittal) हिने नुकताच खुलासा केला की ती स्तनाचा कर्करोग किंवा ब्रेस्ट कॅन्सरशी (Breast Cancer) झुंज देत आहे. अर्थात कॅन्सर हा गंभीर आजार आहे, पण छोट्या पडद्यावरील ही अभिनेत्री सकारात्मक दृष्टिकोनाने या आजाराचा सामना करत आहे. याचे ताजे उदाहरण देताना तिने तिचा एक डान्स व्हिडिओ शेअर केला आहे. लवकरच ती ब्रेस्ट कॅन्सरची शस्त्रक्रिया करणार आहे. या आजाराबाबत जनजागृती करणे अत्यंत गरजेचे असल्याचे ती म्हणाली. तिने लिहिले की, 'यामधून जाणाऱ्या महिलांची संख्या पाहून मी घाबरले आहे. महिलांसाठी कर्करोगाचे लवकर निदान होणे गरजेचे आहे. स्तनाच्या कर्करोगाशी लढा देणे हे महिलांसाठी मोठे आव्हान आहे. चला या निमित्ताने ब्रेस्ट कॅन्सरविषयी सर्व प्रश्नांची उत्तरं जाणून घेऊ. स्तनाचा कर्करोग म्हणजे काय? वर्ल्ड हेल्थ ऑर्गनायझेशन (WHO) च्या मते, स्तनाचा कर्करोग हा स्त्रियांमध्ये सर्वात सामान्य कर्करोग आहे. आकडेवारी दर्शवते की स्तनाचा कर्करोग दरवर्षी जगभरातील अंदाजे 2.1 दशलक्ष महिलांना प्रभावित करतो. WHO च्या मते, 2018 मध्ये स्तनाच्या कर्करोगाने मरण पावलेल्या महिलांची संख्या 62,700 होती. स्त्रिया लोकसंख्येमध्ये कर्करोगाने होणाऱ्या मृत्यूंपैकी 15 टक्के हे प्रमाण आहे. स्तनाचा कर्करोग ही अशी स्थिती आहे जेव्हा विशिष्ट जनुकांमधील बदलांमुळे स्तनाच्या पेशी विभाजित होतात आणि अनियंत्रितपणे पसरतात. सामान्यतः स्तनाच्या दूध उत्पादक ग्रंथी (लोब्यूल्स) किंवा नलिकांमध्ये कर्करोग होतो, ज्या ग्रंथींमधून स्तनाग्रापर्यंत दूध वाहून नेलं जातं. स्तनाच्या फॅटी किंवा तंतुमय संयोजी ऊतक देखील कर्करोगाच्या पेशींसाठी हॉटस्पॉट असू शकतात. काही प्रकरणांमध्ये, कर्करोगाच्या पेशी तुमच्या हाताखालील लिम्फ नोड्सपर्यंत पोहोचू शकतात आणि शरीराच्या वेगवेगळ्या भागात पसरतात. सुरुवातीची लक्षणे ओळखून योग्य उपचार जरी स्तनाचा कर्करोग त्याच्या सुरुवातीच्या टप्प्यात कोणतीही लक्षणे दर्शवत नसला तरी, असे मानले जाते की त्याची लक्षणे वेळीच समजून घेतल्यास योग्य उपचार होण्यास मदत होते. स्तनातील गाठ (breast lump) हे त्याचे पहिले आणि सर्वात स्पष्ट लक्षण आहे. परंतु, चिंताजनक बाब म्हणजे स्तनाचा कर्करोग असलेल्या 6 पैकी 1 महिलांमध्ये हे लक्षण दिसून येत नाही.
    स्तनाच्या कर्करोगाची सुरुवातीची लक्षणे स्तनाग्र आकारात बदल स्तन दुखणे जो मासिक पाळीपर्यंत राहतो स्तनात गाठ तयार होणे स्तनाग्रातून लाल, तपकिरी किंवा पिवळा स्त्राव लालसरपणा, सूज, त्वचेची जळजळ, खाज सुटणे किंवा स्तनावर पुरळ येणे कॉलरबोनभोवती किंवा हाताखाली सूज किंवा गाठ येणे

    बापरे! नखावरील या साध्या डागामुळे महिलेला कापावं लागलं आपलं बोट; शॉकिंग आहे कारण

    स्तनाच्या कर्करोगानंतरची लक्षणे स्तनाग्र आत जाणे किंवा आतील बाजूस वळणे स्तनाचा आकार वाढणे स्तनाच्या पृष्ठभागावर डिंपल्स आधीची गाठ मोठी होणे त्वचेचा रंग बदलणे भूक न लागणे अचानक वजन कमी होणे काखेत वाढलेले लिम्फ नोड्स स्तनावर नसांचे दिसणे OMG! फक्त विचारानेच Fat To Fit केलं, 110 किलोची महिला 59 किलोची झाली; सांगितली Weight Loss Trick लक्षणांचा अर्थ स्तनाचा कर्करोग होत नाही यापैकी एक किंवा अधिक लक्षणे असण्याचा अर्थ असा नाही की तुम्हाला स्तनाचा कर्करोग आहे. उदाहरणार्थ, संसर्गामुळे स्तनाग्र स्त्राव देखील होऊ शकतो. तुम्हाला यापैकी कोणतीही लक्षणे आढळल्यास, चाचणीसाठी डॉक्टरांना भेटा. स्तनाची स्वत: तपासणी तुमची स्वतःची स्तन तपासणी तुम्हाला तुमचे स्तन सामान्यपणे कसे दिसतात हे जाणून घेण्यास मदत करू शकतात. जेणेकरून तुम्हाला बदल लवकर लक्षात येतील. त्यासाठी या बदलांवर लक्ष ठेवावे. स्तनांच्या आकारात किंवा रंगात बदल किंवा स्तनाच्या त्वचेमध्ये डिंपल किंवा गाठ असल्यास तज्ज्ञांना दाखवून घ्या. कधीकधी स्तनांमध्ये लालसरपणा, वेदना किंवा सूज असू शकते. याशिवाय स्तनाग्र उलटणे किंवा न समजणारा स्त्राव इत्यादींवर लक्ष ठेवा. डिस्क्लेमर: हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधा.
    Published by:Rahul Punde
    First published:

    Tags: Breast cancer, Cancer

    पुढील बातम्या