मराठी बातम्या /बातम्या /लाइफस्टाइल /

मुलांचा Home Work पूर्ण करून घेणं फार अवघड काम नाही; या टिप्स वापरून बघा

मुलांचा Home Work पूर्ण करून घेणं फार अवघड काम नाही; या टिप्स वापरून बघा

Homework Tips: काही मुलं वाचन आणि लेखनातही चांगली रमतात, पण काही मुलांना गृहपाठ म्हणजे एक ओझं वाटतं. अशा परिस्थितीत पालकांची जबाबदारी वाढते, कारण मुलांचा होम वर्क करून घेणे आव्हानात्मक असते.

Homework Tips: काही मुलं वाचन आणि लेखनातही चांगली रमतात, पण काही मुलांना गृहपाठ म्हणजे एक ओझं वाटतं. अशा परिस्थितीत पालकांची जबाबदारी वाढते, कारण मुलांचा होम वर्क करून घेणे आव्हानात्मक असते.

Homework Tips: काही मुलं वाचन आणि लेखनातही चांगली रमतात, पण काही मुलांना गृहपाठ म्हणजे एक ओझं वाटतं. अशा परिस्थितीत पालकांची जबाबदारी वाढते, कारण मुलांचा होम वर्क करून घेणे आव्हानात्मक असते.

  • Published by:  News18 Desk

नवी दिल्ली, 12 मार्च : शाळा किंवा शिकवणीचा होम वर्क (Home Work) करायला अनेक मुलांना आवडत नसल्याचे तुम्ही अनेकदा पाहिलं असेल. मुलांचे मन खूप चंचल असते, त्यामुळे त्यांचे लक्ष खेळाकडे (Sports) जास्त आणि वाचनाकडे कमी असते. पालक त्यांना शाळेत किंवा शिकवणीसाठी (Tution) होम वर्क करण्यास सांगतात तेव्हा मुले त्यास टाळाटाळ करतात. सर्वच मुले असे करतात असे नाही. काही मुलं वाचन आणि लेखनातही चांगली रमतात, पण काही मुलांना गृहपाठ म्हणजे एक ओझं वाटतं. अशा परिस्थितीत पालकांची जबाबदारी वाढते, कारण मुलांचा होम वर्क करून घेणे आव्हानात्मक असते. मुलाने स्वतःहून गृहपाठ केल्यास त्याला सोपे जाईल आणि त्याचा कलही अभ्यासाकडे वाढू लागेल. आज आपण अशा काही पद्धती सांगणार आहोत, ज्याद्वारे तुमचे मूलही गृहपाठ करण्यास नकार देणार (Homework Tips) नाही.

खेळत अभ्यास करायला शिकवा

मुले गृहपाठ करत नाहीत, कारण त्यांना खेळायला आणि बागडायला जास्त आवडतं. त्यामुळे तुम्हाला तुमच्या मुलाचा गृहपाठ सोपा करायचा असेल, तर त्यांना खेळकर पद्धतीने गृहपाठ करायला शिकवा. उदाहरणार्थ, जर मूल लहान असेल आणि त्याला गृहपाठातील रंगांची नावे लक्षात ठेवण्यास सांगितले असेल, तर तुम्ही त्याच्यासोबत रंगांचा खेळ खेळू शकता. त्यामुळे त्याला कलर्सची नावेही आठवतील आणि खेळण्यातही त्याचे मन राहील. त्याचप्रमाणे तुम्ही त्याला गणितात प्लस आणि मायनस शिकवू शकता.

एकत्र काम करा

तुमच्या मुलांचा गृहपाठ सोपा करण्याचा उत्तम मार्ग म्हणजे, तुमचे मुल गृहपाठ करत असताना ऑफिसचे काम करणे. काम पूर्ण करण्यासाठी तुम्ही त्याच्याशी स्पर्धाही करू शकता. म्हणजे, तुम्ही तुमच्या मुलाला सांगा की आपण दोघे आपला-आपला गृहपाठ करू आणि जो आधी त्याचे काम पूर्ण करेल त्याला संध्याकाळी आईस्क्रीम ट्रीट मिळेल. मुलांना वेगवेगळे पदार्थ खायला आवडतात. त्यामुळे ते त्यांचे काम मनापासून करतील.

हे वाचा - स्कीन आणि केसांसाठी कापूर तेल कधी वापरलंय का? घरीच अशा पद्धतीनं बनवू शकता

व्हिडिओ आणि शिक्षण अॅप्ससाठी मदत मिळवा

कधीकधी मुले गृहपाठ सोडून देतात कारण त्यांना संकल्पना समजत नाहीत. अशावेळी तुम्ही व्हिडिओ किंवा लर्निंग अॅपची मदत घेऊ शकता. मुलांना वाचण्यापेक्षा बघून शिकणे सोपे जाते. त्यामुळे तुम्ही तुमच्या मुलांना व्हिडिओ आणि लर्निंग अॅप्सच्या मदतीने शिकवू शकता. लर्निंग अॅप वापरताना मुलांना त्यांच्या उणिवा आणि चुका कळतात, मग ते भविष्यात अशा चुका टाळतात आणि त्यांचा गृहपाठही वेळेवर पूर्ण करतात.

हे वाचा - गरमा-गरम खाताना अनेकदा जीभ भाजते; हे घरगुती उपाय लगेच देतील आराम

अभ्यासाची वेळ सेट करा

अनेक मुलांना वाचायला आवडत नाही, कारण ते पुस्तक घेऊन वाचायला बसतात, पण त्यांचे लक्ष अभ्यासावर केंद्रित होण्याऐवजी इकडे तिकडे जाते. त्यामुळे त्यांचा गृहपाठ पूर्ण व्हायला वेळ लागू शकतो. जास्त वेळ लागत असेल तर ते लहान मुलांसाठी खूप कंटाळवाणे काम होते, म्हणून तुम्ही तुमच्या मुलांच्या गृहपाठाची वेळ निश्चित करा, असं केल्यानं त्यांना गृहपाठानंतर खेळायलाही वेळ मिळेल. यामुळे त्यांना वाटते की, जर मी माझा गृहपाठ 1 तासात पूर्ण केला तर त्यानंतर मी खेळू शकेन. मग तो त्याचा गृहपाठ योग्य आणि वेळेत पूर्ण करण्याचा सर्वतोपरी प्रयत्न करेल. त्यामुळे त्यांचा गृहपाठही पूर्ण होईल आणि त्यांना खेळायलाही वेळ मिळेल.

First published:

Tags: School, School children