'थप्पड' फेम तापसी पन्नू रांचीच्या लिट्टी-चोखाच्या प्रेमात, रश्मी रॉकेटबद्दल काय सांगतेय पाहा...

'थप्पड' फेम तापसी पन्नू  रांचीच्या लिट्टी-चोखाच्या प्रेमात, रश्मी रॉकेटबद्दल काय सांगतेय पाहा...

Rashmi Rocket : तापसीने (Tapasi Pannu) बिहार आणि झारखंडच्या पारंपारिक डिश - लिट्टी चोखाची (Litti chokha) प्रशंसा केली आहे. गेल्या एका आठवड्यापासून तापसी रांची येथे 'रश्मी रॉकेट' चित्रपटाचं शूटिंग (Film shooting) करत होती.

  • Share this:

रांची, 25 डिसेंबर: 'थप्पड' चित्रपटातून (Thappad movie) पितृसत्ताक व्यवस्थेला झणझणीत कानशीलात लगावणारी बॉलीवूड अभिनेत्री तापसी पन्नूने आपल्या ट्विटर अकाउंटवरून झारखंडची राजधानी रांचीवर स्तुतीसुमनं उधळली आहेत. तिनं बिहार आणि झारखंडच्या पारंपारिक डिश लिट्टी चोखेची प्रशंसा केली आहे. गेल्या एका आठवड्यापासून तापसी रांची येथे 'रश्मी रॉकेट' चित्रपटाचं शूटिंग करत होती. ती आज मुंबईला परत आली. तिने आपल्या ट्विटर हँडलवरून रांची शहराच्या सौंदर्यांचं कौतुक केलं आहे.

तिनं आपल्या ट्वीटमध्ये म्हटलं की, 'मी पहिल्यांदाच रांचीमध्ये शूटिंग करीत आहे. या शहरातून खुप चांगल्या आठवणी घेऊन परत चालली आहे. इथे लिट्टी-चोखा खाण्याचा आनंदच काही वेगळा आहे. रांची हे एक सुंदर शहर आहे. येथील स्टेडियम कोणत्याही परदेशी स्टेडियमपेक्षा कमी नाहीत.' 'रश्मी रॉकेट' हा चित्रपट सामान्य घरातून एक आंतरराष्ट्रीय खेळाडू बनणाऱ्या मुलीच्या जीवनावर अधारित आहे.

झारखंडचे मुख्यमंत्री हेमंत सोरेन यांनी तापसी पन्नूच्या ट्विटला उत्तर देताना तिचे आभार मानले आहेत. मुख्यमंत्री सोरेन यांनी लिहिलं की, तुमच्या टीमचा पाहुणचार करायची आम्हाला जी संधी मिळाली, त्यामुळं आम्ही भारावून गेलो आहोत. राज्यातील खेळ आणि खेळाडूंना प्रोत्साहन देण्यासाठी आमचे सदैव प्रयत्न सुरू राहतील.

तापसीच्या या आगामी चित्रपटात झारखंडमधील खेळाडू आणि खेळाशी संबंधित लोकांनाही काम करण्याची संधी मिळाली आहे. खेळाच्या एका सीनमध्ये बरेच खेळाडू तिच्यासोबत धावपट्टीवर धावले आहेत. तसेच रांची जिल्ह्याचे खो-खो युनियनचे महासचिव अजय झा या चित्रपटात शर्यत सुरू करताना दिसणार आहेत. त्याचबरोबर अ‍ॅथलेटिक्स असोसिएशनचे शशांक भूषण अँकरिंग करताना दिसणार आहेत. या सर्वांनी सांगितलं की, तापसीबरोबर चित्रपटाच्या शूटिंगमध्ये काम करणं उत्साहपूर्ण होतं. खेळाशी संबंधित तापसी पन्नूचा हा तिसरा चित्रपट आहे. यापूर्वी तिनं सूरमा आणि सांड की आंख या चित्रपटांतून आपल्या अभिनयाची झलक दाखवली आहे.

Published by: News18 Desk
First published: December 25, 2020, 10:44 PM IST

ताज्या बातम्या

corona virus btn
corona virus btn
Loading