Health Tips : मुलांना माती खाण्याची सवय लागलीय? हे घरगुती उपाय करतील मदत

मुंबई, 1 फेब्रुवारी : काही मुलांना माती खाण्याची सवय लागते. मुलांच्या या सवयीमुळे त्यांच्या आरोग्यालाच धोका निर्माण होतो असे नाही तर पालकांसाठी ही गंभीर समस्या बनते. अशा परिस्थितीत मुलांच्या आहारात काही गोष्टींचा समावेश करून तुम्ही मुलांच्या शरीरातील पोषक तत्वांची कमतरता तर भरून काढू शकता. त्याचबरोबर त्यांची माती खाण्याची सवयही सोडवू शकता.

वास्तविक बहुतेक पालक मुलांच्या माती खाण्याच्या सवयीकडे दुर्लक्ष करतात. तर दुसरीकडे काही पालक आपल्या मुलांना माती खाताना पाहून त्यांना फटकारतात. मात्र तुमच्या टोमण्यांना घाबरून मुले आई-वडिलांपासून लपवून माती खाऊ लागतात. म्हणूनच आम्ही तुम्हाला काही सोप्या घरगुती उपायांबद्दल सांगणार आहोत. ज्याच्या मदतीने तुम्ही मुलांची माती खाण्याची सवय सोडवू शकता.

पिंपळाच्या पानांचे आरोग्य फायदे माहितीये? पोटापासून त्वचेच्या समस्यांसाठी असा करा वापर

मुलांना केळी खायला द्या

पोषक तत्वांनी समृद्ध केळी लोह, कॅल्शियम, कार्बोहायड्रेट्स, फायबर आणि प्रोटीनचा चांगला स्रोत मानली जाते. अशा परिस्थितीत केळीचे सेवन मुलांच्या शरीरातील पोषक तत्वांची कमतरता भरून काढण्यासाठी तसेच मुलांची माती खाण्याची सवय सोडवण्यासाठी उपयुक्त ठरते.

कॅल्शियम समृद्ध आहार

डॉक्टरांच्या मते, कॅल्शियमच्या कमतरतेमुळे मुलांना माती खाण्याची सवय लागते. अशा परिस्थितीत माती खाण्याची सवय सोडवण्यासाठी मुलांच्या शरीरातील कॅल्शियमची कमतरता पूर्ण करणे आवश्यक आहे. यासाठी मुलांच्या आहारात दूध, दही, चीज यासारख्या कॅल्शियम युक्त गोष्टींचा समावेश करा. यामुळे मुले हळूहळू माती खाणे बंद करतात.

आहारतज्ञांची मदत घ्या

शरीरातील पोषक तत्वांच्या कमतरतेमुळे मुलांना माती खाण्याची सवय लागते. अशा परिस्थितीत मुलांच्या शरीरातील पोषक तत्वांची कमतरता भरून काढण्यासाठी तुम्ही आहारतज्ञांच्या मदतीने मुलांसाठी योग्य डाएट प्लॅनही तयार करू शकता. ज्याचे पालन केल्याने काही वेळात मुले माती खाणे बंद करतील.

लवंगाचे पाणी प्रभावी

मुलांमध्ये माती खाण्याची सवय लावण्यासाठी लवंगाचे सेवन ही एक प्रभावी कृती ठरू शकते. यासाठी 4-6 लवंगा पाण्यात चांगल्या प्रकारे उकळा. नंतर पाणी थंड करून ते नियमितपणे मुलांना द्यावे. यामुळे तुमचे मूल कमी माती खाईल आणि थोड्याच वेळात तो या सवयीपासून पूर्णपणे मुक्त होईल. मात्र हे करण्यापूर्वी डॉक्टरांचा सल्ला घ्या.

हिवाळ्यातील अनेक त्रास चुटकीसरशी दूर करते तुळस, दिनचर्येत असा करा वापर

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)