शाहरुख खानच्या हिरोईनने शॉवर घेतानाचा Video केला शेअर; थंड पाण्याचे सांगितले फायदे

नवी दिल्ली, 27 जानेवारी : शाहरुख खानसोबत 'चक दे इंडिया' या चित्रपटात महत्त्वाची भूमिका साकारणारी मेघा गुप्ता (megha gupta) खऱ्या आयुष्यात भलेही अॅथलीट नसेल, पण ती तिच्या फिटनेसाठी तेवढीच अ‌ॅक्टीव असते, ज्यामुळे तिचं सौंदर्य टिकून राहण्यासही मदत होते. ती तिच्या इंस्टाग्राम (Instagram) अकाउंटवर हेल्थशी संबंधित विविध गोष्टी शेअर करते. तिनं काही दिवसांपूर्वी अशीच एक पोस्ट केली होती, ज्यामध्ये ती फोटो आणि व्हिडिओमध्ये आंघोळ करताना दिसली होती. मात्र, हा गरम पाण्याचा शॉवर नसून ही अभिनेत्री थंड शॉवर घेत होती. हे शेअर करताना मेघाने सांगितले की, 'कोल्ड शॉवर शरीराला जागृत ठेवण्यास आणि सतर्कता वाढविण्यास मदत करते.

View this post on Instagram

A post shared by Megha Gupta (@meghaguptaofficial)

थंड पाणी तुम्हाला दीर्घ श्वास घेण्यास भाग पाडते, ज्यामुळे शरीरातील CO2 पातळी कमी होते, यामुळे एकाग्र होण्यास देखील मदत होते. मेघाने सांगितले की, यामुळे रोगप्रतिकारक शक्ती देखील मजबूत राहते. इतर फायदे सांगताना ती म्हणाली की, शरीरातील ब्राउन फॅटसारखी फॅटी सेल्स बॉडी हीट निर्माण करते. त्यामुळे चरबी जाळण्यास मदत होते. (फोटो क्रेडिट्स: Instagram @meghaguptaofficial) हे वाचा - Bathroom Stroke: हिवाळ्यात अंघोळ करताना होणारी ही चूक ठरू शकते जीवघेणी; बाथरूम स्ट्रोकबद्दल माहीत आहे का? अभिनेत्रीने या विषयी सांगितले असले तरी, हिवाळ्यात थंड पाण्याने अंघोळ करताना काळजी घेणेही खूप गरजेचे आहे. अचानक थंड पाणी अंगावर पडल्याने आरोग्याच्या गंभीर समस्या उद्भवू शकतात. या कारणास्तव, काही आरोग्य तज्ज्ञ कोमट पाण्याने आंघोळ करणे सर्वोत्तम मानतात. तरीही तुम्हाला थंड शॉवर घ्यायचा वाटत असल्यास, प्रथम तुमच्या डॉक्टरांचा सल्ला घ्या.