मुलगी वयात आल्यानंतर या राज्यात साजरा होतो उत्साह!

महिलांना मासिक पाळी येणं हे नैर्सगिक आहे, पण तरीही त्याबद्दल समाजात असंख्य समज-गैरसमज आहे.

News18 Lokmat | Updated On: Oct 27, 2019 12:28 PM IST

मुलगी वयात आल्यानंतर या राज्यात साजरा होतो उत्साह!

मासिक पाळी हा महिलेच्या आयुष्याचा एक अविभाज्य भाग आहे. मासिक पाळीच्या दरम्यान महिलेच्या शरीरात अनेक बदल होत असतात. पहिल्यांदा पाळी आली की आपली मुलगी वयात आली असं म्हणतात. महिलांना मासिक पाळी येणं हे नैर्सगिक आहे, पण तरीही त्याबद्दल समाजात असंख्य समज-गैरसमज आहे. मुलगी वयात आली की प्रत्येक राज्य वेगवेगळ्या प्रथा पाळतं.

जेव्हा सॅनेटरी पॅडसारख्या सुविधा उपलब्ध नव्हत्या तेव्हा महिलांना पाळीच्या दरम्यान अनेक समस्यांना तोंड द्याव लागायचं. त्यामुळे त्यांच्या त्या काळात त्यांना थोडा आराम देण्यासाठी काही राज्यांनी वेगवेगळ्या परंपरा सुरू केल्या. त्याने त्या महिलेचा त्रास तर कमी झालाच पण मुळात मी काही चूक नाही केली किंवा मला पाळी येते म्हणजे मी काही गुन्हा केला असा समज नष्ट होण्यास मदत झाली.

कर्नाटक

कर्नाटकात महिलेला 'पहिली मासिक पाळी' आली की मोठा उत्सव असतो. घरातल्या आजूबाजूच्या महिला तिला ओवाळतात, तिची आरती करतात. तिच्यासाठी गाणी गातात. यात तीळ आणि गुळापासून बनणारा 'चिगली उंडे' हा पदार्थ खाऊ घातला जातो.  असं मानलं जात की हा पदार्थ खाल्याने मुलीच्या शरीरातून होणाऱ्या रक्तस्त्रावाला काही अडथळा येत नाही.या पूजेदरम्याने वाहिलेले नारळ आणि पानं सगळ्या पाहुण्यांना वाटली जातात.

तामिळनाडू

Loading...

तामिळनाडूमध्येही 'पहिली मासिक पाळी' ही एका सणासारखी साजरी केली जाते. त्यांच्यात अगदी थाटमाटात हे साजरं केलं जातं. 'मंजल निरट्टू विज्हा' (Manjal Neerattu Vizha) असं त्यांच्या परंपरेचं नाव आहे. ही परंपरा अगदी लग्नसमारंभासारखी असते. यात मुलीला हळद लावून अांघोळ घालतात. तिला सिल्कची साडी नेसवतात. तिला दागिन्यांनी मढवतात. तिची पूजा करतात. तिच्यासाठी रांगोळी आणि गाण्यांची मैफिल असते. इतकचं नाही तर तिला शुभेच्छांसोबत खूप सारे गिफ्टस्ही दिले जातात.

आसाम

आसाममध्ये 'पहिली मासिक पाळी' आली की 'तुलोनी बिया' (Tuloni Biya) या नावाची परंपरा आहे. यादरम्यान त्या मुलीला एका वेगळ्या खोलीत ठेवलं जातं. त्या खोलीत पुरुषांना जाण्याची परवाणगी नसते. पुरुष चार दिवस त्या खोलीत जाऊ शकत नाहीत, त्या मुलीचा चेहराही ते पाहू शकत नाहीत. सुपाऱ्यांच्या दोन जोड्या लाल फडक्यात बांधून ते आजूबाजूच्यांना दिले जाते. सात विवाहित महिला त्या मुलीला अंघोळ घालतात. मग ती त्या सुपाऱ्यांची पुजा करते. यात त्या मुलीला अगदी नवरीसारखं सजवलं जातं.

केरळ

केरळमध्ये 'पहिली मासिक पाळी' आली की तीन दिवसांपर्यंत ती मुलगी सगळ्यांपेक्षा वेगळी राहते. तिला एका खोलीत ठेवलं जातं. त्या खोलीत एक दिवा लावला जातो. त्या दिव्याजवळ पितळेच्या भांड्यात नारळाची फुलं ठेवली जातात. असं समजलं जातं की जितक्या त्या फुलाच्या कळ्या फुलतील तितकीच मुलं त्या मुलीला होतील.

या घरगुती उपायांनी दाताच्या दुखण्यावर मिळवू शकता आराम

या सोप्या गोष्टी नियमित पाळा, घरात राहील दिलखुलास वातावरण

मुलींशी फेसबुकवर बोलण्यापूर्वी या नियमांचा नीट विचार करा,कधीच होणार नाही रिजेक्ट

महाराजांच्या गडावर 18 वर्षांनी वाजला संबळ, हजारो दिव्यांनी उजळला राजगड

सतत आजारी पडत असाल तर या 5 पानांचा करा वापर, आजारांपासून राहाल दूर

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Oct 27, 2019 12:26 PM IST
Loading...

ताज्या बातम्या

Loading...