टेस्टी आणि रुचकर पोहा कटलेटने करा दिवसाची सुरुवात, फ्रेश होईल मूड

मुंबई 15 जानेवारी : नाश्त्यात आवडीचे पदार्थ मिळाले तर दिवसाची सुरुवात चांगली होते. अनेकदा लोक ब्रेकफास्टमध्ये ब्रेड ऑम्लेट किंवा ब्रेड बटर खाऊन घराबाहेर पडतात. परंतु कधी कधी तेच तेच खाण्याचा कंटाळा येतो. अशा परिस्थितीत सकाळी खायला कुरकुरीत, चवदार आणि आरोग्यदायी मिळाले तर किती छान होईल असे वाटते. तुमची हीच इच्छा पूर्ण करण्यासाठी हा लेख अतिशय फायदेशीर ठरणार आहे. यात आम्ही तुम्हाला नाश्त्यासाठी अतिशय रुचकर आणि चवदार कटलेटची रेसिपी सांगणार आहोत.

ऐकून तुमच्या तोंडाला पाणी सुटले का? असेल तर लगेच जाणून घ्या की हे बटाटा किंवा व्हेज कटलेट नाही तर पोह्यांपासून बनवल्या जाणाऱ्या कटलेटची रेसिपी आहे. या रेसिपीचे नाव आहे पोटा कटलेट. ही रेसिपी बनवण्यासाठी अगदी सोपी आहे. पोहा कटलेट रेसिपी द किचन स्टोरीज (@_the_kitchen_stories_) नावाच्या इंस्टाग्राम अकाउंटवरून शेअर करण्यात आली आहे. पोहा कटलेट बनवण्यासाठी कोणते साहित्य आवश्यक आहे आणि ते बनवण्याची पद्धत काय आहे ते जाणून घेऊया.

Roti Noodles : उरलेल्या पोळ्या फेकू नका, या सोप्या पद्धतीने बनवा हेल्दी-टेस्टी रोटी नूडल्स

पोहा कटलेट बनवण्यासाठी लागणारे साहित्य

पोहे - 1 वाटी

बटाटा - 1

कांदा - 1

टोमॅटो - अर्धा

लाल तिखट - अर्धा चमचा

चाट मसाला - अर्धा चमचा

मीठ - चवीनुसार

कोथिंबीर - गार्निशसाठी

तांदळाचे पीठ

तळण्यासाठी तेल

पोहा कटलेट बनव्याची रेसिपी

सर्व प्रथम पोहे दोन वेळा स्वच्छ पाण्यात चांगले धुवा. त्यानंतर गाळणीत टाकून ते स्वच्छ करा आणि पाण्याचा निचरा होऊ द्या. हे पोहे एका भांड्यात ठेवा. यानंतर बटाटे उकळून त्याची साल काढून घ्या. दुरीकडे कांदा आणि टोमॅटो बारीक चिरून घ्या. आता पोह्यात बटाटे, कांदे, टोमॅटो घालून मिक्स करा. त्यात लाल तिखट, चाट मसाला, मीठ, कोथिंबीर घालून मिक्स करा.

Kebab Recipe : वेट लॉसदरम्यान नाश्त्यासाठी रेसिपी शोधताय? बनवा हे टेस्टी-हेल्दी व्हीगन कबाब

बटाटे चांगले स्मॅश करा आणि चांगले बारीक झाल्यानंतर त्याला हाताने गोल किंवा लांब आकार द्या आणि प्लेटमध्ये ठेवा. सर्व कटलेट तांदळाच्या पिठात घोळून घ्या. आता कढईत तेल गरम करा आमि 4 ते 5 कटलेट गोल्डन ब्राऊन होईपर्यंत एकत्र तळून घ्या. ते कुरकुरीत झाल्यावर तेलातून काढून प्लेटमध्ये ठेवा. यानंतर गरमागरम पोहा कटलेट तुम्ही सॉस किंवा हिरव्या चटणीसोबत खाण्याचा आनंद घेऊ शकता. याशिवाय तुम्ही संध्याकाळी स्नॅक्स म्हणूनही ते खाऊ शकता.

View this post on Instagram

A post shared by _the_kitchen_stories_ (@_the_kitchen_stories_)

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)