Pregnancy Tips : सुरक्षित आणि सोपी प्रेग्नन्सी हवीय? मग आतापासूनच करा हे काम

मुंबई, 30 जानेवारी : व्यस्त जीवनशैली आणि चुकीच्या खाण्याच्या सवयींचा परिणाम महिलांच्या आरोग्यासाठी अत्यंत घातक ठरू शकतो. यामुळेच आजकाल महिलांमध्ये गर्भाशयाच्या समस्या आणि गरोदरपणात समस्या वाढताना दिसत आहेत. फायब्रॉइड्स, इन्फेक्शन, पॉलीप्स, प्रोलॅप्स, गर्भाशयात वेदना यांसारख्या समस्या तरुण मुलींनाही येत आहेत. मात्र काही योगासनांच्या मदतीने या वाढत्या समस्यांवर मात करता येऊ शकते.

फिटनेस ट्रेनर जुही कपूरने तिच्या इंस्टाग्रामवर अशीच एक पोस्ट शेअर केली आहे, ज्यामध्ये त्यांनी महिलांच्या गर्भाशय मजबूत करण्यासाठी खास पोजची माहिती दिली आहे. महिलांनी नियमितपणे हा सराव केल्यास त्यांचे गर्भाशय मजबूत होईल आणि महिलांची प्रजनन यंत्रणा अधिक चांगले काम करेल, असे त्यांचे म्हणणे आहे.

Laughing Benefits : गरोदरपणात हसल्याने बाळाला होतात 'हे' फायदे, आईही राहाते निरोगी

अशा पद्धतीने करा शक्ती मुद्रा

जुही कपूरने तिच्या इंस्टाग्राम पोस्टमध्ये सांगितले आहे की, हे करण्यासाठी सर्वप्रथम सुखासनाच्या आसनात बसा आणि दोन्ही हातांचे अंगठे तळहातावर ठेवा. आता एक मुठ बनवून दोन्ही हातांची अनामिका आणि करंगळी सरळ करा आणि त्यांना एकत्र करा. या दरम्यान दोन्ही हातांच्या तर्जनी आणि मधल्या बोटांनी अंगठे दाबून ठेवा. आता या आसनात नतमस्तक व्हा आणि दीर्घ श्वास घ्या आणि सोडा. या दरम्यान डोळे बंद ठेवा.

दररोज 5 ते 10 मिनिटे असा सराव केल्यास तुम्हाला खूप फायदा होईल. त्यांनी सांगितले की, जर तुम्हाला हे आसन अधिक प्रभावी बनवायचे असेल तर या आसनाचा सराव मलासनाने करा. मलासनाचा सराव करताना तुम्ही योगासनांचा वापर करू शकता.

शक्ती मुद्राचे फायदे

- अनियमित मासिक पाळीची समस्या दूर होईल.

- गर्भाशयातील फायब्रॉइड्सच्या समस्या दूर राहतील आणि त्यास सामोरे जाण्यास मदत होईल.

- हे आसन हार्मोनल समस्या संतुलित करण्यास मदत करते.

- PCOS आणि एंडोमेट्रिओसिसची लक्षणे कमी करते.

- अंडाशयांना चांगले काम करण्यास मदत करते.

- या आसनामुळे बर्थ कॅनॉल मजबूत आणि निरोगी राहते.

Pregnancy Tips : प्रेग्नन्सीदरम्यान या त्रासांकडे अजिबात करू नका दुर्लक्ष, वेळीच व्हा सावध

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)