BP, Diabetic रुग्णांसाठी संजीवनी आहेत कडुलिंबाची पाने; वाचा चमत्कारिक फायदे

मुंबई, 22 जून : आपल्याकडे आयुर्वेदिक वनस्पतींचा (Ayurvedic Medicine) खूप मोठा वारसा आहे. शतकानुशतके कडुनिंब हा आयुर्वेदासह आपल्या पारंपारिक औषध पद्धतीचा एक भाग आहे. कडुलिंबाची केवळ पानेच (Neem Leaves) नाही तर त्याची साल, मूळ, फुले, काड्या आणि फळे यांचाही पारंपरिक औषधांमध्ये वापर केला जातो. कडुलिंबामध्ये दाहक-विरोधी, बॅक्टेरियाविरोधी, कीटकनाशक आणि बुरशीविरोधी गुणधर्म आहेत. ज्यामुळे कडुलिंब बहुगुणी बनते. तुम्हाला कडुलिंबाच्या काही महत्वपूर्ण फायद्यांबद्दल (Neem Leaves Benefits) सांगणार आहोत. दररोज काही कडुलिंबाची पाने खाल्यामुळे तुमची रोगप्रतिकारक (Neem Leaves To Boost Immunity) शक्ती वाढते. हे तुमच्या लिव्हरसाठीच्या आरोग्यासाठीही चांगले आहे आणि यामुळे पचनक्रियादेखील सुधारू शकते. यामध्ये कॅल्शियम असल्यामुळे हे तुमच्या हाडांसाठीही फायदेशीर असते. कडुलिंब तुमच्या शरीरातील लोहाची कमतरतादेखील भरून काढू शकते. यासाठी नियमित एक कप कडुलिंबाचा रस प्यावा. कडुलिंबामध्ये मोठ्या प्रमाणात अँटिऑक्सिडंट्स असतात. तुम्हाला डायबिटीज, ब्लडप्रेशर आणि कॅन्सर होण्यापासून वाचवतात.

High BP चा त्रास असेल तर ही 3 फळं तुमच्यासाठी आहेत उत्तम; कंट्रोलमध्ये राहतं Blood Pressure

कडुलिंब अनेक स्किनकेअर (Neem Leaves Skin Benefits) उत्पादनांमध्ये वापरले जाते. त्याचे अँटी-बॅक्टेरियल आणि अँटी-फंगल गुणधर्म त्वचेवरील मुरुम आणि अतिरिक्त तेल कमी करण्यास मदत करतात. हे पिगमेंटेशन आणि सूर्यकिरणांमुळे होणाऱ्या नुकसानापासून त्वचेला वाचवते. कडुलिंबाच्या पानांची पेस्ट तयार करून ती चेहऱ्यावर लावावी. याने तुम्हाला नक्कीच फायदा होतील. त्वचेप्रमाणेच कडुलिंब केसांसाठीदेखील (Neem Leaves Hair Benefits) फायदेशीर आहे. हे अँटी-डँड्रफ शॅम्पूमध्ये मोठ्या प्रमाणावर वापरले जाते. कडुलिंबामध्ये दाहक-विरोधी गुणधर्म आहे. जे कोंडा आणि खाज कमी करते. स्किन आणि केसांसाठी तिळाचा असा करा वापर; नॅचरली मिळतील अनेक पोषक घटक कडुलिंबाची पाने ही सर्वात सामान्य, स्वस्त आणि सहजपणे उपलब्ध होणारे कीटकनाशक (Neem Leaves Are Insect Repellent) आहे. हे पिसू आणि डासांवर प्रभावी आहे. डासांना दूर ठेवण्यासाठी एका भांड्यात कडुलिंबाची काही कोरडी पाने जाळून टाका. कपड्यांमध्येही कडुलिंबाची पाने ठेवल्यास त्यामध्ये कीटकं लागण्याची शक्यता कमी होते. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)