Brothers Day 2022: ब्रदर्स डे ची सुरुवात नेमकी कधी झाली? काय आहे या दिवसाचं महत्व आणि इतिहास

मुंबई, 24 मे : दरवर्षीप्रमाणे आपण मदर्स डे, फादर्स डे, सिबलिंग डे साजरा करतो, त्याचप्रमाणे भावासाठी एक खास दिवस असतो, जो ब्रदर्स डे म्हणून साजरा केला जातो. दरवर्षी 24 मे हा राष्ट्रीय बंधू दिन म्हणून साजरा केला जातो. नावाप्रमाणेच, हा दिवस भावांबद्दल प्रेम आणि आपुलकी व्यक्त करण्यासाठी साजरा केला जातो. लहानपणापासून ते मोठं होईपर्यंत ज्याच्याशी आपण आपल्या सगळ्या गोष्टी शेअर करतो तो म्हणजे भाऊ. आपल्या भावासोबत एकत्र खाण्याच्या, खेळण्याच्या, मौजमजा करण्याच्या अगणित आठवणी आपल्या हृदयात आणि मनात घर करून (2022 National Brothers Day History Date Significance) राहतात. आपण आपल्या भावासोबत आयुष्यातील प्रत्येक गोष्ट शेअर करतो, तो दुःखी असतो तेव्हा आपणही दुःखी असतो आणि तो आनंदी असतो तेव्हा आपणही हसतो. भावासोबतचे तेच क्षण आठवण्याचा आणि भावाविषयी आदर व्यक्त करण्याचा आजचा दिवस आहे. ब्रदर्स डेच्या दिवशी, भावांबद्दल प्रेम आणि आपुलकी व्यक्त करण्यासाठी, भेटवस्तू किंवा प्रेम संदेश पाठवू शकता. ब्रदर्स डेचा इतिहास - ब्रदर्स डे नेमका कधीपासून सुरू झाला याबद्दल पुरेशी माहिती नसली तरी, असे म्हटले जाते की हा दिवस पहिल्यांदा 2005 मध्ये अलाबामा, यूएसए येथील डॅनियल रोड्स यांनी साजरा केला होता, जे व्यवसायाने कलाकार आणि लेखक होते. ब्रदर्स डेच्या सुरुवातीचे श्रेय त्यांना जाते. हळुहळू या उत्सवाला झपाट्याने लोकप्रियता मिळाली आणि तेव्हापासून दरवर्षी 24 मे हा दिवस ब्रदर्स डे म्हणून साजरा केला जाऊ लागला. हे वाचा - Diabetes असणाऱ्यांनी सकाळ-संध्याकाळ चावून खावी ही 2 प्रकारची पानं; दिसेल परिणाम ब्रदर्स डे चे महत्व 2005 पासून सुरू झालेली ब्रदर्स डे सेलिब्रेशनची ही मालिका आता जगातील अनेक देशांमध्ये पसरली आहे. आज ब्रदर्स डेची लोकप्रियता अमेरिकेपासून फ्रान्स, जर्मनी, भारत, चीन आणि रशियासारख्या इतर देशांमध्ये चांगली दिसते. या सर्व देशांमध्ये, 24 मे रोजी लोक आपल्या भावासोबत हा दिवस साजरा करतात. हे वाचा - पुरुषांच्या केसांसाठी परिणामकारक आहेत हे वीगन हेयर मास्क; घरीच असे करा तयार वास्तविक, सख्ख्या भावांव्यतिरिक्त, इतर लोक, जसे चुलत भाऊ आणि मित्र सुद्धा आपल्या आयुष्यात भावाची उणीव भरून काढू शकतात आणि ते नेहमी भावांसारखे आपल्यासाठी उभे असतात. खरे तर प्रत्येक माणसाच्या आयुष्यात किमान एक तरी भाऊ असला पाहिजे, ज्याच्याकडून तो प्रामाणिक सल्ला घेऊ शकेल, आपले मन बोलू शकेल, त्याच्यासोबत मजा करू शकेल. तो भाऊ, मित्र, नातेवाईक किंवा तुमच्यासाठी खास कोणीही असू शकतो.