Moonlight Effect : चंद्रप्रकाशाचा महिलांच्या मानसिक आरोग्यावर असा पडतो प्रभाव, जाणून आश्चर्य वाटेल

मुंबई, 4 सप्टेंबर : संपूर्ण आरोग्य मिळविण्यासाठी लोक अनेक पद्धतींचा अवलंब करतात. त्यापैकी एक निसर्गोपचार आहे. ज्यामध्ये चंद्र एखाद्या व्यक्तीच्या एकूण आरोग्यासाठी एक नैसर्गिक घटक म्हणून पाहिला जातो. पृथ्वीचा एकमेव उपग्रह, चंद्र आणि त्याच्या प्रकाशाचा विशेषतः महिलांच्या शारीरिक आणि भावनिक आरोग्यावर प्रचंड प्रभाव पडतो. हे ऐकून तुम्हाला आश्चर्य वाटेल. परंतु अनेक वैज्ञानिक संशोधने आणि आयुर्वेदिक तत्त्वांमध्ये हे तथ्य सिद्ध झाले आहे. तसे पाहता भारतीय परंपरेत चंद्राला महत्त्वाचे स्थान आहे. शीतलता प्रदान करण्याचे प्रभावी साधन म्हणून चंद्राकडे पाहिले जाते. त्याचा प्रकाश बराच काळ आरोग्य उपचारांसाठी वापरला जात आहे. तुमचे मन शांत ठेवण्यात चंद्राच्या प्रकाशाची ऊर्जा महत्त्वाची भूमिका बजावते.

महिलांच्या मनःस्थितीवर चंद्रप्रकाशाचा प्रभाव

हेल्थ जर्नलनुसार, चंद्राचे घटणे आणि वाढणे याचा महिलांच्या मूडवरही मोठा परिणाम होतो आणि ते सहज लक्षात येऊ शकते. पौर्णिमेचा तुमच्या लैंगिक संबंधांवरही प्रभाव पडतो. संशोधनानुसार, काहीवेळा महिला या कारणासाठी खूप सक्रिय असतात आणि काहीवेळा अजिबात नाही.

'या' महिन्यात घडतात फसवणुकीच्या सर्वाधिक घटना; रिलेशनशिप येते संपुष्टात; एका सर्वेक्षणाचा निष्कर्ष

चंद्र चार्ज वॉटर

मून चार्ज वॉटर वापरून महिला त्यांचे आरोग्य सुधारू शकतात. यासाठी तुम्हाला मून चार्ज वॉटर वापरावे लागेल, जे चंद्राच्या प्रकाशात पाण्याचा ग्लास ठेवून तयार केले जाते. हे प्यायल्याने तुम्हाला चंद्राच्या ऊर्जेपासून आरोग्य लाभ मिळू शकतात. 28 दिवसांचे चक्र स्त्रियांच्या मासिक पाळीशी जोडलेले आहे, त्यामुळे मून चार्ज वॉटर तुम्हाला तुमची सायकल नियमित ठेवून चांगली जीवनशैली साध्य करण्यात मदत करू शकते.

हार्मोनल समस्या ठीक होतात

सकाळी रिकाम्या पोटी मून चार्ज वॉटर प्यायल्याने शरीरातील हार्मोनल असंतुलनाच्या समस्येचे निदान करता येते. जे तुमचे शारीरिक आरोग्य तसेच भावनिक पैलू सुधारू शकतात कारण हार्मोन्स आपल्या भावनांमध्ये बदल घडवून आणतात.

तुम्हाला अमर व्हायचंय? तर 'या' जीवाच्या जेनेटिक्सची आहे आवश्यकता, वैज्ञानिकांचा दावा

त्वचेची चमक वाढते

मून चार्ज वॉटरचा नियमित वापर आपल्या त्वचेची चमक वाढवण्यासाठी देखील प्रभावी आहे. चंद्रप्रकाश पाण्याचे रेणू सक्रिय करतो. त्यामुळे त्वचेचे सौंदर्य वाढते. एका अभ्यासानुसार, चंद्र कमी होणे मानसिक आरोग्याशी संबंधित आहे, जे चंद्राच्या प्रकाशाच्या शांत गुणधर्मांमुळे आणि चंद्राच्या मूलभूत उर्जेमुळे आहे.