मुलींना लहानपणापासूनच बनवा स्वावलंबी, अभ्यासाबरोबर शिकवा या महत्वाच्या गोष्टी

मुंबई, 24 मार्च : आजच्या युगात मुलीही मागे नाहीत. अभ्यासापासून ते करिअर घडवण्यापर्यंत प्रत्येक गोष्टीत मुली उत्साहाने सहभागी होताना दिसतात. त्याचबरोबर आपल्या मुलींना यशस्वी करण्यात पालकांचाही महत्त्वाचा वाटा असतो. अशा परिस्थितीत पालकांनी मुलीला लहानपणापासून काही गोष्टी समजावून सांगून भविष्यात तिला स्वावलंबी बनवता येईल.

वास्तविक काही लोकांच्या मते, मुलींना स्वावलंबी बनवण्यासाठी केवळ चांगले शिक्षण पुरेसे आहे. पण प्रत्यक्षात जीवनातील काही मूलभूत गोष्टी मुलींना स्वावलंबी बनवण्यासाठीही काम करतात. त्याचबरोबर लहानपणापासूनच मुलींमध्ये कौशल्य विकसित केल्याने मुलींचे व्यक्तिमत्त्व तर उजळतेच शिवाय भविष्यात त्यांचा यशस्वी होण्याचा मार्गही सुकर होतो. चला तर मग जाणून घेऊया मुलींना स्वावलंबी बनवण्यासाठी काही टिप्स.

काळजी घ्यायला शिकवा

मुलींना बालवयातच स्वावलंबी बनवण्यासाठी पुढाकार घ्या. होय, लहानपणापासूनच मुलींना स्वतःची काळजी घ्यायला शिकवा. कारण स्वतःकडे लक्ष देऊनच मुलींना यशाचा मार्ग निश्चित करता येईल.

धक्कादायक! आईच्या चहाच्या तलफेमुळे बाळाची भयंकर अवस्था; एक वर्षाच्या चिमुकल्याची करावी लागली सर्जरी

आयुष्यातील महत्त्वाचे निर्णय घ्यायला शिकवा

मुलींना स्वावलंबी बनवण्यासाठी त्यांना स्वतःचे निर्णय स्वतः घ्यायला शिकवा. यामुळे मुली त्यांच्या निर्णयासाठी इतरांवर अवलंबून राहणार नाहीत आणि त्यांच्या आयुष्यातील सर्व महत्त्वाचे निर्णय स्वतःच घ्यायला शिकतील.

मुलींना द्या पुढे जाण्याची प्रेरणा

जेव्हा मुली स्वतःचे निर्णय स्वतः घ्यायला शिकतात. तेव्हा साहजिकच या काळात त्यांचे काही निर्णय चुकीचे असू शकतात. अशा परिस्थितीत मुलींना प्रत्येक पाऊल विचारपूर्वक उचलण्याचा सल्ला देण्याबरोबरच भूतकाळातून धडा घेऊन जीवनात पुढे जाण्याची प्रेरणा द्या.

हक्कांसाठी लढण्यास शिकवा

अनेक वेळा समाजाच्या किंवा कुटुंबाच्या दबावामुळे बहुतांश मुली आयुष्याशी तडजोड करतात. अशा परिस्थितीत अर्थातच मुलींना नातेसंबंधांचा आदर करायला शिकवा. मात्र त्याचवेळी त्यांना त्यांच्या हक्कांसाठी आवाज उठवण्यासाठी प्रोत्साहन द्यायला विसरू नका.

पावसाळ्यात आईस्क्रीम खाणं ठरू शकतं अनेक समस्यांना आमंत्रण, काय होतात दुष्परिणाम?

मुलींना त्यांचे स्वातंत्र्य जगू द्या

काही पालकांना सहसा आपल्या मुलींचे लाड करून मुली डोळ्यांसमोरच हव्या असतात. अशा परिस्थितीत बहुतांश मुलींना एकट्याने घराबाहेर पडण्याचे स्वातंत्र्य नसते. त्यामुळे मुलींना जगाची फारशी समज नसते. म्हणून मुलींना स्वावलंबी बनवण्यासाठी, त्यांना मुलांप्रमाणे फिरण्याचे स्वातंत्र्य देण्याचा प्रयत्न करा.