मराठी बातम्या /बातम्या /लाइफस्टाइल /

हा आहे चालता फिरता जिवंत Magnet, याच्यावर प्रत्येक वस्तू चिकटते; कसं ते पाहा VIDEO

हा आहे चालता फिरता जिवंत Magnet, याच्यावर प्रत्येक वस्तू चिकटते; कसं ते पाहा VIDEO

एखाद्या सुपरहिरोकडे असावी तशी चुंबकीय शक्तीच (Mangnetic power) या व्यक्तीकडे आहे.

एखाद्या सुपरहिरोकडे असावी तशी चुंबकीय शक्तीच (Mangnetic power) या व्यक्तीकडे आहे.

एखाद्या सुपरहिरोकडे असावी तशी चुंबकीय शक्तीच (Mangnetic power) या व्यक्तीकडे आहे.

  • Published by:  Priya Lad

तेहरान, 03 जून : चुंबक किंवा मॅग्नेट (Magnet) माहिती नाही, अशी एकही व्यक्ती नाही. आपल्या लहानपणात आपण प्रत्येकजण चुंबकाशी खेळलो आहोत. चुंबकाजवळ लोहासारखा धातू सहज आकर्षित होतो. त्यामुळे छोट्या वस्तूही चुंबकाकडे आकर्षित करून घेणं म्हणजे लहानपणी एक जादूच वाटायची की नाही! चुंबकाशी खेळताना खूप मजा यायची. आपणही असे चुंबक असतो, तर आपल्याकडे सर्व वस्तू आकर्षित झाल्या असत्या असं तेव्हा कल्पनेत का असेना पण एखाद वेळी विचार येऊन जायचाच. फिल्ममध्येही तुम्ही असे सुपरहिरो पाहिले असतील. पण तुम्हाला माहिती आहे, तुमच्या कल्पनेतील किंवा फिल्ममधील अशी चुंबकीय व्यक्ती (Mangnet man) प्रत्यक्षातही आहे.

जगात असे बरेच लोक आहे, ज्यांच्याकडे काही विचित्र क्षमता असतात. अशाच व्यक्तींपैकी एक ही व्यक्ती जिच्याकडे जणू चुंबकीय शक्ती (Mangnetic power) आहे आणि विशेष म्हणजे या व्यक्तीच्या शरीरावर फक्त धातू नाही तर कोणतीही वस्तू चिकटते (Man With Magnetic Personality). या व्यक्तीचा व्हिडीओ सध्या सोशल मीडियावर व्हायरल होत आहे.

द सनने आपल्या ट्विटर अकाऊंटवर हा व्हिडीओ शेअर केला आहे. हा व्हिडीओ पाहून तुम्हीसुद्धा हैराण व्हाल.

हे वाचा - इवल्याशा हातांनी भरभर कापतो भाजी; चिमुकल्या शेफचा VIDEO पाहून हैराण व्हाल

झी न्यूजने द सनच्या रिपोर्टचा हवाला देत दिलेल्या वृत्तानुसार चुंबकासारखं शरीर असलेली ही व्यक्ती इराणमध्ये राहते. अबोलफज्ल साबिर मोख्तारी (Abolfazl Saber Mokhtari) असं त्याचं नाव आहे. त्याच्या शरीराला कोणतीही वस्तू अशी चिकटते, जणू काही त्याच्या शरीरात चुंबकच असावेत. काच. लाकूड, लोखंड यासारख्या वस्तू आणि अगदी भाज्या वगैरेही त्याच्या शरीरावर चिकटतात. खरंच याच्या शरीरात चुंबक आहे, त्याच्याकडे अशी चुंबकीय शक्ती आहे का? हे कसं शक्य आहे असे एक ना दोन कितीतरी प्रश्नांच्या तुमच्या मनात गोंधळ झाला असेल.

हे वाचा - VIDEO: सुपरमॅनच्या पोशाखात थाटात बस थांबवायला गेला आणि...

अबोलफज्लच्या शरीरात कोणतंही चुंबक नाही किंवा त्याच्याकडे तशी शक्ती नाही. तर हे त्याला अवगत असलेलं एक कौशल्या आहे. तो आपल्या शरीरात कोणतीही वस्तू चिकटवू शकतो. ही कला त्याने अगदी कमी वयात शिकून अवगत केली आहे. फक्त स्वतःच्या शरीरावरच नाही तर दुसऱ्या व्यक्तीच्या शरीरावरही तो अशा बऱ्याच वस्तू चिकटवू शकतो.

First published:

Tags: Iran, Shocking video viral, Viral, Viral videos