Makeup Side Effect : मुलीच्या हट्टापायी तुम्हीही करता तिचा मेकअप? आधी वाचा याचे दुष्परिणाम

मुंबई, 30 मार्च : मुल जेव्हा प्रेमाने एखादा हट्ट करतात तेव्हा आई-वडील मुलांच्या छोट्या छोट्या इच्छा पूर्ण करण्यासाठी कायम तयार असतात. मुलांच्या चेहऱ्यावर विखुरलेले हास्य पालकांचेही मन प्रसन्न करते. मुलांच्या या छोट्या हट्टांपैकी एक म्हणजे मेकअप करण्याचा हट्ट. घरातील सर्व बायका, आई, बहीण आणि आंटी यांना मेकअप करताना पाहून तुमची लहान मुलगीही लिपस्टिक लावण्याचा आणि मेकअप करण्याचा आग्रह करू शकते.

हे जवळजवळ प्रत्येक घरात घडते. पालकांनाही मुलांचे आनंददायी वातावरण आणि मूड बिघडवायचा नसतो, म्हणून तेही बिनदिक्कत मुलांच्या चेहरा, ओठ आणि डोळ्यांवर मेकअप करतात. मात्र मुलांवरचे प्रेम व्यक्त करण्याचा हा मार्ग त्यांच्या आरोग्यासाठी हानिकारक ठरू शकतो. DahealthSite मध्ये प्रसिद्ध झालेल्या बातमीनुसार, तुम्ही नकळत मुलांच्या मेक-अप करण्याच्या हट्टीपणावर विश्वास ठेवून त्यांच्या आरोग्याला हानी पोहोचवत आहात.

Caffeine Addiction : नक्कीच सुटेल तुमचं चहा-कॉफीचं व्यसन; तलफ येताच करा 'हे' काम

मुलांचा मेकअप का करू नये?

त्वचेला इजा होऊ शकते - बाळाची त्वचा खूप मऊ आणि संवेदनशील असते. जर त्यावर केमिकलयुक्त गोष्टी वापरल्या गेल्या तर ते त्यांच्या त्वचेला हानी पोहोचवू शकते. मेकअपमुळे होणाऱ्या समस्यांमुळे मुलांच्या त्वचेवर पुरळ उठणे, खाज येणे आणि जळजळ होणे यासारख्या समस्या उद्भवू शकतात.

टॉक्सिन शरीरात जाऊ शकतात - जर तुम्ही मुलांच्या आग्रहास्तव लिपस्टिक लावणेदेखील मुलांसाठी हानिकारक ठरू शकते. कारण मुलांचे चयापचय प्रौढांपेक्षा जास्त असते. यामुळे त्यांची शोषण शक्ती वृद्धांपेक्षा 10% जास्त आहे. केमिकलयुक्त लिपस्टिक किंवा सौंदर्य प्रसाधने त्यांच्या त्वचेवर लवकर शोषली जातात, ज्यामुळे त्यांना त्वचेच्या समस्या उद्भवू शकतात.

मुलांना कोरड्या त्वचेची समस्या होऊ शकते - सतत मेकअप केल्यामुळे मुलांची त्वचा कोरडी होऊ शकते. अशा परिस्थितीत त्यांना त्वचेवर खाज सुटण्याची समस्यादेखील सुरू होऊ शकते, त्यामुळे मुलांचा मेकअप करण्याआधी यामुळे होणारे नुकसान समजून घेणे फार महत्वाचे आहे.

फक्त Green tea कशाला, वजन कमी करण्यासाठी आता प्या Green coffee; कशी बनवायची पाहा

लिपस्टिकचा हट्ट अशा प्रकारे करा पूर्ण

जर मुलगी लिपस्टिक लावण्याचा आग्रह धरत असेल तर तिच्यासाठी नैसर्गिक रंग वापरा. बीटरूट किसून त्याचा रस काढा. आता त्यात थोडे खोबरेल तेल घालून फ्रीजमध्ये ठेवा. जेव्हा जेव्हा मुलगी लिपस्टिक लावण्याचा आग्रह करते तेव्हा तिला बीटरूटपासून तयार केला ओठांचा रंग म्हणजेच हे घरी तयार केले लिपस्टिक लावा. हे एकतर इजा करणार नाही आणि मूलदेखील आनंदी होईल.