KBC 12 मध्ये 2 महिलांनी मारली बाजी; आठवडाभरातच मिळाली दुसरी करोडपती

मुंबई, 12 नोव्हेंबर : कौन बनेगा करोडपति 12 (kaun banega crorepati) मध्ये दोन महिलांनी बाजी मारली आहे. एका आठवड्यातच बाराव्या सीझनची दुसरी करोडपती मिळाली आहे. दिल्लीतील नाझिया नसीम ही KBC 12 ची पहिली तर आयपीएस अधिकारी ((IPS officer) मोहिता शर्मा (mohita sharma दुसरी करोडपती ठरली आहे.

KBC 12 शोचा नवा प्रोमो व्हिडीओ जारी रिलीज करण्यात आला आहे. ज्यामध्ये आणखी एक स्पर्धक एक कोटी रुपये जिंकताना दिसते आहे. ही स्पर्धक म्हणजे मोहिता शर्मा.

याआधी 11 नोव्हेंबरला दिल्लीतील नाझिया नसीमनं (Nazia nasim) एक कोटी रुपये जिंकले होते. नाझिया ही एक मॅनेजर होती. तिला सात कोटी रुपयांचा प्रश्नही विचारण्यात आला होता. मात्र तिला त्याचं उत्तर माहिती नसल्यानं तिनं खेळ सोडण्याचा निर्णय घेतला आणि एक कोटी रुपये घेऊन तिनं खेळ क्विट केला. 5 नोव्हेंबरला या पहिल्या करोडपतीचा प्रोमो रिलीज करण्यात आला होता.

View this post on Instagram

MOHITA SHARMA, an IPS officer is #KBC12’s second crorepati ! Watch her attempt the #Sawaal7CroreKa in #KBC12 on 17th Nov 9 pm only on Sony. @amitabhbachchan @spnstudionext

A post shared by Sony Entertainment Television (@sonytvofficial) on Nov 11, 2020 at 9:30pm PST

आता केबीसीनं दुसऱ्या करोडपतीचा जो प्रोमो रिलीज केला आहे. यामध्ये मोहिताला एक कोटी रुपयाचा प्रश्न विचारला जातो. तेव्हा ती त्याचं योग्य उत्तर दिल्याचं दिसतं आहे. कारण अमिताभ बच्चन ती एक कोटी रुपये जिंकल्याची घोषणा करतात आणि त्याचा आनंदही तिच्या चेहऱ्यावर दिसून येतो.

हे वाचा - अक्षय कुमारचा 'Laxmii' दोन दिवसातच झाला लीक, टेलिग्रामवर पायरेटेड कॉपी व्हायरल

यानंतर अमिताभ बच्चन मोहिताला सात कोटी रुपयांचा प्रस्न विचारताना दिसतात. आता मोहिता या प्रश्नाचं उत्तर देऊन सात कोटी रुपयांचा जॅकपॉट जिंकणार की नाझियाप्रमाणे एक कोटी रुपये जिंकून खेळ सोडणार हे आता येणाऱ्या एपिसोडमध्येच दिसेल. हा एपिसोड 17 नोव्हेंबरला रात्री 9 वाजता सोनी टीव्हीवर प्रदर्शित होणार आहे.

हे वाचा - राहुल वैद्य आणि दिशा परमारचा साखरपुडा आधीच झालाय? दिशाने केला हा खुलासा

मोहितानं सात कोटी रुपयांचा जॅकपॉट जिंकला तर ती खऱ्या अर्थाने KBC 12 ची विजेती ठरेल आणि इतिहास रचेल.