घरात सहज उपलब्ध असतात या 4 गोष्टी; Belly Fat कमी करण्यासाठी आहेत फायदेशीर

नवी दिल्ली, 11 एप्रिल : खाण्यापिण्याच्या चुकीच्या सवयी, अनहेल्दी जीवनशैली, तणाव आणि शारीरिक हालचालींचा अभाव यामुळे वजन वाढू शकते. लठ्ठपणा वाढल्याने पोटाची चरबी वाढते आणि त्यामुळे पोट दिसू लागते. या बेली फॅटमुळे अनेक आजारांचा धोकाही वाढतो, त्यामुळे आपण पोटाची चरबी (Belly Fat) कमी करणे गरजेचे आहे. पोटाची चरबी कमी करण्यासाठी विविध व्यायाम प्रकार करणं गरजेचं आहेच, त्याबरोबच असा आहार घ्यावा, ज्यामुळे चरबी कमी होण्यास आणखी मदत होते. याबाबत 'झी न्यूज'ने बातमी दिली (Weight loss tips) आहे.

हिरव्या पालेभाज्या

उन्हाळ्यात हिरव्या पालेभाज्या खाणे गरजेचे आहे. विशेषतः पालकचा आहारात समावेश करावाच. त्यामुळे वजन कमी होण्यास मदत होईल. पालेभाज्यांमधून कमी फॅट मिळतात.

पेरू

पेरूमध्ये भरपूर फायबर असते. यामुळे तुमची पचनक्रिया मजबूत राहते आणि चरबी कमी होण्यास मदत मिळते. पेरू खाण्याचे इतरही अनेक फायदे आहेत. बद्धकोष्ठता आणि पोटांच्या विकारांवरही पेरू खाणं फायदेशीर ठरतं.

हे वाचा - फेस क्लीन अप आहे सगळ्या स्कीन प्रॉब्लेम्सचं मूळ; सुंदर, ग्लोईंग फेससाठी या टिप्स

गाजर

कोणत्याही ऋतुमध्ये गाजराचा आहारात समावेश केल्यास तुम्हाला फायदा होईल. गाजरात भरपूर पोषक घटक असतात आणि त्यात फायबरही भरपूर असते. गाजर खाल्ल्याने बराच काळ पोट भरलेले राहते आणि पुन्हा पुन्हा खाण्याची गरज पडत नाही. पोटाची चरबी कमी करण्यासाठी गाजराचा रस किंवा सूपचे देखील सेवन केले जाऊ शकते.

हे वाचा - उपवासामुळे महिलांच्या आरोग्यावर, Periods वर परिणाम होतो?पाहा एक्सपर्ट्सचं म्हणणं

दालचिनी

दालचिनीमध्ये सिनसामाल्डिहाइड घटक असतो, जे फॅटी व्हिसरल टिश्यूचे चयापचय उत्तेजित करते. त्यामुळे पोटाची चरबी कमी होण्यास मदत होते. त्यामुळे दालचिनीचाही आहारात समावेश करावा.

(सूचना: या लेखात दिलेली माहिती सामान्य माहितीवर आधारित आहे. न्यूज 18 लोकमत त्याची हमी देत नाही.)