Rose Water: सुंदर-चमकदार त्वचेसाठी हिवाळ्यात गुलाबपाण्याचा असा करा वापर; जाणून घ्या योग्य पद्धत

नवी दिल्ली, 12 जानेवारी : हिवाळ्यात आपली त्वचा खूप कोरडी आणि निस्तेज होते. त्वचा मुलायम आणि चमकदार बनवण्यासाठी बरेच लोक त्वचेवर वेगवेगळ्या प्रकारच्या वस्तू लावतात. चेहऱ्याच्या त्वचेसाठी उत्तम असलेले गुलाबजल फक्त उन्हाळ्यातच वापरावे असे अनेकांना वाटते. थंडीत चेहरा फुटण्याच्या भीतीने बरेचजण त्याचा वापर करत नाहीत, मात्र असे अजिबात नाही. गुलाबपाणी (Rose water) हिवाळ्यातही तुमची त्वचा मऊ, गुलाबी आणि चमकदार बनवण्यात खूप मदत करू शकते. पण हिवाळ्याच्या हंगामात प्रत्येक प्रकारच्या त्वचेसाठी गुलाबपाणी वेगळ्या पद्धतीने वापरावे लागते. तरच तुम्हाला त्याचे पूर्ण फायदे मिळू शकतात. जाणून घेऊया हिवाळ्यात कोणत्या प्रकारच्या त्वचेवर गुलाबपाण्याचा वापर (Rose water For Skin Care in Winter) कसा करता येईल. कोरड्या त्वचेसाठी वापर ज्यांची त्वचा कोरडी आहे, त्यांनी गुलाबपाणी मॉइश्चरायझर म्हणून वापरावे. यासाठी तुम्ही तुमच्या चेहऱ्यावर आणि मानेवर गुलाबपाणी स्प्रे करा आणि त्वचेवर हलक्या हातांनी चार ते पाच मिनिटे मसाज करा. तुम्हाला हवे असल्यास गुलाबपाणी मॉइश्चरायझरमध्ये मिसळूनही वापरू शकता. यामुळे तुमची त्वचा मुलायम, गुलाबी आणि चमकदार होईल. सेंसिटिव स्किनसाठी सेंसिटिव त्वचा असलेले लोक टोनर म्हणून गुलाबपाणी वापरू शकतात. यासाठी गुलाब पाण्यात ग्लिसरीन आणि लिंबाचा रस मिसळा आणि त्वचेवर टोनर म्हणून वापरा. तुम्ही ते दिवसा किंवा रात्री कधीही वापरू शकता. यामुळे तुमची त्वचा मऊ आणि चमकदार तर होईलच, पण वृद्धत्वविरोधी प्रभाव कमी होण्यासही मदत होईल. हे वाचा - लघवीच्या समस्येशिवाय किडनी खराब होण्याची अशी असतात लक्षणं; त्याकडे दुर्लक्ष पडेल महागात तेलकट त्वचेसाठी वापर तेलकट त्वचेसाठी, गुलाबपाणी सफरचंद सायडर व्हिनेगरमध्ये मिसळून वापरले जाऊ शकते. यासाठी अर्धा कप गुलाब पाण्यात एक चमचा सफरचंद सायडर व्हिनेगर मिसळा. त्यानंतर कापसाच्या साहाय्याने चेहरा आणि मानेवर लावा. काही वेळ असेच राहू द्या, नंतर धुवा. याच्या वापराने त्वचेचा कोरडेपणा दूर होऊन त्वचा मुलायम आणि चमकदार होईल. हे वाचा - India Corona : तिसरी लाट बेफाम झालीच तर काय? देशात ऑक्सिजनची सद्यस्थिती आहे अशी (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)