किती मद्यपान करणारी व्यक्ती मानली जाते हेव्ही ड्रिंकर? वाचा ओव्हरडोसचे दुष्परिणाम

मुंबई, 19 जानेवारी : आजच्या जगात दारू पिणे हा एक छंद बनला आहे. बारमध्ये बसून मोठ्या संख्येने तरुण मद्यपान करताना दिसतात. प्रसंग आनंदाचा असेल तर दारू पिणाऱ्यांची संख्या आणखी वाढते. या वर्षी नववर्षाचे सेलिब्रेशन असे होते की, दिल्लीत एक कोटीहून अधिक दारूच्या बाटल्या विकल्या गेल्या. काही लोक अल्कोहोल कमी प्रमाणात पितात, तर काही लोक त्यांचे मन भरेपर्यंत मद्यपान करत राहतात.

पण तुम्हाला माहीत आहे का की, दारू पिणारे किती लोक हेव्ही मद्यपान करणारे मानले जातात? आज आम्‍ही तुम्‍हाला जास्त मद्यपान आणि त्यामुळे होणार्‍या मोठ्या नुकसानाविषयी सांगणार आहोत.

वजनासोबत ब्लड प्रेशरही राहील नियंत्रित, केळीच्या चहाचे हे अद्भुत फायदे माहिती आहेत

अशा लोकांना जास्त मद्यपान करणारे मानले जाते

सेंटर फॉर डिसीज कंट्रोल अँड प्रिव्हेन्शन (CDC) नुसार, जे पुरुष आठवड्यातून 15 किंवा त्याहून अधिक पेये पितात त्यांना जास्त मद्यपान करणारे मानले जाऊ शकते. स्त्रियांबद्दल बोलायचे तर त्यांच्यासाठी हे प्रमाण थोडे वेगळे आहे. एका आठवड्यात 8 किंवा त्याहून अधिक पेये घेणार्‍या महिलांना जास्त मद्यपान करणारे मानले जाऊ शकते.

सोप्या भाषेत सांगायचे झाल्यास दररोज 1 किंवा 2 पेक्षा जास्त पेये घेणाऱ्या व्यक्तीला हेव्ही ड्रिंकर म्हणता येईल. साधारणपणे एका पेयामध्ये सुमारे 30 मिली अल्कोहोल असते. बिअरमध्ये सुमारे 5% अल्कोहोल असते आणि वाइनमध्ये 12% अल्कोहोल असते. हे प्रमाण वेगवेगळ्या ब्रँडमध्ये कमी-अधिक असू शकते.

किती दारू पिणे सुरक्षित आहे?

वर्ल्ड हेल्थ ऑर्गनायझेशन (WHO) च्या अहवालानुसार कोणत्याही प्रमाणात दारू पिणे आरोग्यासाठी फायदेशीर नाही. अल्कोहोलच्या पहिल्या थेंबापासून, आपल्या आरोग्यास गंभीर धोक्यांचा सामना करावा लागतो. अल्कोहोल प्यायल्याने स्तनाचा कर्करोग, आतड्याचा कर्करोग यासह 7 प्रकारच्या कर्करोगाचा धोका वाढतो. अल्कोहोल आपल्या आरोग्यासाठी अत्यंत विषारी मानले जाते.

टक्कल दिसतंय? हे 6 सुपरफूड खाणे सुरू करा, डोक्यावर पुन्हा येतील केस

अल्कोहोलमध्ये असलेले घटक शरीरात शोषले जातात आणि आपल्या अनेक अवयवांवर विषारी परिणाम करतात. याचा शारीरिक आणि मानसिक आरोग्यावर वाईट परिणाम होतो. बऱ्याच संशोधनांमध्ये हे सिद्ध झाले आहे की, दीर्घकाळ अल्कोहोलचे सेवन केल्याने आपल्या मेंदूचे रसायनशास्त्र बदलते आणि त्याचा आकार देखील लहान होतो.