निरोगी हृदयासाठी रात्री यावेळात झोपी जाणं आहे फायदेशीर; नवीन संशोधनातील निष्कर्ष

नवी दिल्ली, 10 नोव्हेंबर : योग्य वेळी झोपणे आणि पुरेशी झोप घेणे हे उत्तम आरोग्यासाठी खूप महत्त्वाचे आहे. यामुळे आपले शरीर आणि मेंदू चांगले कार्य करू शकते. आपण ही गोष्ट लहानपणापासून ऐकत आलो आहोत की, निरोगी राहण्यासाठी लवकर झोपण्याची आणि सकाळी लवकर उठण्याची सवय लावली पाहिजे. मात्र, आता या संदर्भात आणखी एक महत्त्वाची बाब समोर आली आहे. ज्यामध्ये झोपण्याच्या वेळेचा हृदयाच्या आरोग्याशी संबंध सांगितला आहे. संशोधकांनी अभ्यासाच्या आधारे दावा केला आहे की, रात्री 10 ते 11 या वेळेत झोपायला जाण्याने हृदयविकाराचा धोका कमी होतो. संशोधकांच्या एका आंतरराष्ट्रीय पथकाने त्यांच्या संशोधनात म्हटले आहे की, जे लवकर किंवा नंतर झोपतात त्यांच्या तुलनेत जे लोक सकाळी 10 ते 11 या वेळेत झोपतात त्यांना हृदयविकाराचा धोका कमी असतो. हे संशोधन युरोपियन हार्ट जर्नल-डिजिटल हेल्थ, युरोपियन सोसायटी ऑफ कार्डिओलॉजी (ESC) च्या जर्नलमध्ये प्रकाशित झालं (Sleeping time linked with Heart Health) आहे.

यूकेमधील एक्सेटर विद्यापीठात काम करणारे आणि या संशोधनाचे लेखक डॉ. डेव्हिड प्लेन्स यांच्या मते, 'आपल्या शरीरात 24 तासांचे अंतर्गत घड्याळ असते, ज्याला सर्केडियन रिदम (लय) (सर्केडियन रिदम) म्हणतात. हे अंतर्गत घड्याळ आपल्या शारीरिक आणि मानसिक कार्याचे नियमन करण्यास मदत करते. जरी आम्ही आमच्या या संशोधनातून त्याच्या कार्याचा निष्कर्ष काढू शकत नसलो तरी परिणाम सूचित करतात की, या वेळेच्या लवकर किंवा उशीरा झोपल्याने शरीराच्या घड्याळात व्यत्यय येण्याची शक्यता असते. ज्याचा हृदयाच्या आरोग्यावर विपरीत परिणाम होऊ शकतो.

हे वाचा - तुमचा Android फोन विकण्याआधी करा हे महत्त्वाचं काम, नाहीतर येतील समस्या

झोपेची सुरुवात आणि हृदयविकार!

झोपेचा कालावधी आणि हृदयरोग यांच्यातील संबंध अनेक विश्लेषणांमध्ये तपासले गेले आहेत. पण झोपेची वेळ आणि हृदयविकाराचा संबंध आजपर्यंत कळू शकलेला नाही. हे संबंध शोधण्याचा प्रयत्न या नव्या संशोधनात करण्यात आला आहे. यामध्ये मोठ्या संख्येने प्रौढांच्या अहवालांचा समावेश आहे, ज्यात झोपेची सुरुवात आणि हृदयरोग यांच्यातील संबंध शोधले गेले.

असं करण्यात आलं संशोधन

या संशोधनासाठी 2006 ते 2010 दरम्यान UK Biobank मधून 88026 लोकांची निवड करण्यात आली होती. त्यात 43 ते 79 वयोगटातील लोकांचा समावेश होता. त्यांचे सरासरी वय 61 वर्षे होते. ज्यामध्ये 58 टक्के महिला होत्या. मनगटात घातलेल्या एक्सीलरोमीटरचा वापर करून 7 दिवसांच्या झोपेची सुरुवात आणि जागे होण्याच्या वेळेचा डेटा गोळा केला गेला. याशिवाय सहभागींची जीवनशैली, आरोग्य आणि शारीरिक स्थिती जाणून घेण्यासाठी प्रश्नावली भरण्यात आली.

हे वाचा - खूशखबर! RBI देत आहे 40 लाख रुपये जिंकण्याची संधी, वाचा काय करावं लागेल काम

संशोधनातील निष्कर्ष काय?

संशोधकांनी 5 वर्षे 7 महिने निरीक्षण केले आणि असे दिसून आले की, 3172 सहभागींमध्ये (3.6 टक्के) हृदयविकार दिसून आला. जे लोक रात्री 10 ते 10.59 दरम्यान झोपी गेले त्यांच्या तुलनेत अगोदर किंवा नंतर झोपलेल्या लोकांना जास्त त्रास सहन करावा लागला.