'नाचणी'ला घेऊ नका हलक्यात, डायबिटीजसह 'या' भयंकर आजाराचा धोका करते कमी

मुंबई, 21 मार्च : कर्करोग हा अजूनही मानवांसाठी सर्वात प्राणघातक आजार आहे. डब्ल्यूएचओच्या मते, दरवर्षी सुमारे एक कोटी लोकांचा कर्करोगामुळे मृत्यू होतो. भारतातही कर्करोगाच्या रुग्णांमध्ये झपाट्याने वाढ होत आहे. इंडिया अगेन्स्ट कॅन्सरच्या आकडेवारीनुसार, भारतात 27 लाख लोक कर्करोगावर उपचार घेत आहेत. 2020 मध्ये सुमारे 8.5 लाख लोकांचा कर्करोगामुळे मृत्यू झाला.

नॅशनल लायब्ररी ऑफ मेडिसिनमध्ये प्रकाशित झालेल्या एका वैज्ञानिक पेपरमध्ये असे म्हटले आहे की, केवळ 5 ते 10 टक्के कॅन्सरसाठी जीन्स जबाबदार आहेत. बाकीची जीवनशैली आणि काहींसाठी पर्यावरण जबाबदार आहे. म्हणजेच जर आपण आपली जीवनशैली आणि आहार सुधारला तर आपण कर्करोगाचा धोका बर्‍याच प्रमाणात टाळू शकतो.

आज जगभरात आहार सुधारण्यावर भर दिला जात आहे. भरडधान्य, ज्याला पूर्वी गरिबांचे अन्न म्हटले जात होते. ते आता सुपरफूड म्हणून चिन्हांकित झाले आहे. अमेरिकन नॅशनल सेंटर फॉर बायोटेक्नॉलॉजी इन्फॉर्मेशन अर्थात एनसीबीआयच्या रिसर्च पेपरनुसार, नाचणीमुळे कॅन्सरसारख्या आजारांचा धोका कमी होतो.

हृदयविकार आणि मधुमेहावरही गुणकारी

शोधनिबंधानुसार, गेल्या काही वर्षांपासून नाचणीबाबत अनेक अभ्यास केले जात आहेत. या अभ्यासात नाचणीमध्ये असलेल्या अनोख्या गुणधर्मांबद्दल माहिती मिळाली आहे. संशोधनात असे आढळून आले आहे की, नाचणीमध्ये पॉलिफेनॉल फोटोकेमिकल आणि आहारातील फायबर भरपूर प्रमाणात असते. अनेक प्रकारचे अँटिऑक्सिडंट त्याची गुणवत्ता अधिक खास बनवतात. आता नवीन अभ्यासात नाचणीच्या इतर गुणधर्मांचाही शोध घेतला जात आहे.

अभ्यासानुसार, नाचणी हे गोलाकार लहान कणकेच्या स्वरूपात आहारातील फायबरने भरलेले सुपरफूड आहे. नाचणीमध्ये 0.38 टक्के कॅल्शियम, 18 टक्के आहारातील फायबर आणि 3 टक्के फिनोलिक कंपाऊंड असल्याने ते मधुमेहविरोधी, ट्यूमोरीजेनिक, सूक्ष्मजीवविरोधी आहे. याशिवाय रक्तवाहिन्यांमधील कोलेस्टेरॉल दूर करण्यासाठी देखील हे उत्तम आहे.