जून उजाडला तरी अजून कडक आहे उन्हाळा; गूळ खाणं फायदेशीर पण या पद्धतीने खा

मुंबई, 04 जून : गूळ फक्त थंडीच्या काळातच खावा, असा सर्वसाधारण समज आहे. गुळाच्या गरम चवीमुळे लोक उन्हाळ्यात तो खाणे टाळतात. पण, हेल्थशॉट्सच्या माहितीनुसार आपण योग्य पद्धतीने गूळ खाल्ल्यास उन्हाळ्यातही फायदेशीर ठरू शकतो. वास्तविक, गुळात भरपूर लोह, जीवनसत्त्वे आणि खनिजे असतात जे शरीराची प्रतिकारशक्ती मजबूत करण्यास मदत करतात.

एवढेच नाही तर शरीराचे तापमान नियंत्रित ठेवण्यासही मदत होते. जाणून घेऊया की, उन्हाळ्यात कोणत्या समस्या कमी करण्यासाठी आपण गुळाचे सेवन करू शकतो आणि तो खाण्याची पद्धत काय आहे.

उन्हाळ्यात असा खा गूळ -

बद्धकोष्ठता -

दुपारच्या जेवणानंतर जर आपण गुळाचा तुकडा खाल्ला तर बद्धकोष्ठतेचा त्रास कमी होईल. एवढेच नाही तर उन्हाळ्यात पचनक्रिया सुधारण्यासाठीही गूळ खूप फायदेशीर आहे. गुळात पाचक एंझाइम असतात जे अन्न पचण्यास मदत करतात.

फ्लूपासून संरक्षण -

सकाळ-संध्याकाळ चहामध्ये गूळ टाकून प्यायल्यास खोकला, सर्दी, ताप आदी त्रास होत नाहीत. अशाप्रकारे फ्लूपासून दूर राहायचे असेल तर गूळ नियमित खायला हवा.

हे वाचा - पारले-जी बिस्कीट, तूप-लोणी खाऊनसुद्धा महिलेनं 40 KG वजन घटवलं; सांगितला हा उपाय

शरीर थंड राहते -

एका भांड्यात गूळ घाला आणि वितळण्यासाठी 2 तास राहु द्या. आता त्यामध्ये तुळस, तुळशीच्या बिया आणि लिंबाचा रस मिसळा आणि गाळून प्या, यामुळे उष्माघातापासून बचाव होईल. तुमचे शरीरही थंड राहील.

मासिक क्रॅम्पपासून आराम -

मासिक पाळी सुरू होण्यापूर्वी दररोज गुळाचा तुकडा खा. याचे सेवन केल्याने शरीरात एंडोर्फिन उत्सर्जित होतात ज्यामुळे क्रॅम्प्समध्ये आराम मिळतो.

हे वाचा - वजन कमी करण्यासाठी चिया सीड्सचा असा करा वापर; आरोग्यासाठी आहेत अनेक फायदे

शरीराला ऊर्जा मिळते -

जर कोणाला उष्णतेचा त्रास होत असेल आणि उर्जा कमी वाटत असेल तर तुम्ही तुमच्या आहारात गुळाचा समावेश करावा. तुम्हाला हवे असल्यास तुम्ही गुळाचे सरबतही पिऊ शकता किंवा गुळ-शेंगदाणे मर्यादित प्रमाणात खाणेही फायदेशीर आहे.