Hair Care : पातळ केसांसाठी या 5 पद्धतींनी वापरा कांद्या, काही दिवसात केस होतील दाट आणि मजबूत

मुंबई, 24 मार्च : लांब, दाट आणि मजबूत केस हे सगळ्यांनाच आवडतात, पण अनेक वेगवेगळ्या पद्धतींनी केसांची काळजी घेतल्यानंतरही काही लोकांचे केस गळतात आणि हळूहळू केस पातळ होऊ लागतात. केस तुटणे टाळायचे असेल तर कांदा तुमची समस्या चुटकीसरशी दूर करेल. होय, काही खास प्रकारे कांद्याचा वापर करून तुम्ही तुमचे पातळ केस काही दिवसांत दाट करू शकता. केसांची काळजी घेण्यासाठी कांद्याचा वापर आणि त्याचे काही फायदे जाणून घेऊया.

कांद्याचा रस लावा

कांद्याच्या रसात सल्फर मुबलक प्रमाणात आढळते, त्यामुळे केस दाट आणि घट्ट होतात. अशा स्थितीत कांदा किसून त्याचा रस काढा आणि टाळूला हलक्या हातांनी गोलाकार हालचाली करत लावा. आता 1 तासानंतर केस सौम्य शाम्पूने धुवा. आठवड्यातून 2-3 वेळा हा उपाय करून पहा.

Look Young: चाळिशीतही दिसाल 20 वर्षांसारखे तरुण, या घरगुती स्कीन केअर टिप्स वापरून बघा

कांद्याचे तेल राहील फायदेशीर

केस घट्ट होण्यासोबतच कांद्याचे तेल मुळापासून मजबूत करण्याचे काम करते. ज्यामुळे तुमचे केस गळणेही कमी होऊ लागते. यासाठी खोबरेल तेलात कांद्याचे छोटे तुकडे टाकून उकळा. आता तेलाचा रंग बदलेपर्यंत मंद आचेवर शिजवा आणि थंड झाल्यावर तेल गाळून केसांना मसाज करा.

कांद्याने बनवा हेअर मास्क

केस जाड आणि घट्ट होण्यासाठी तुम्ही कांद्याचा हेअर मास्कदेखील वापरून पाहू शकता. यासाठी कांद्याच्या रसात लिंबाचा रस आणि आवळा पावडर मिसळा. आता ही पेस्ट केसांना लावा आणि अर्ध्या तासानंतर केस ताज्या पाण्याने धुवा.

कांद्याचा रस प्या

केस जाड आणि निरोगी ठेवण्यासाठी तुम्ही आठवड्यातून दोनदा कांद्याचा रस पिऊदेखील शकता. यासाठी कांदा मिक्सरमध्ये बारीक करून घ्या आणि गाळून रस वेगळा करा. नंतर हा रस लिंबाच्या रसात मिसळून प्या. यामुळे शरीराची रोगप्रतिकारशक्ती वाढेल आणि तुमचे केसही निरोगी राहतील.

Weight Loss Tips : नियमित बार्ली ड्रिंक घेतल्याने वजन होते कमी, हाय कोलेस्टेरॉलसाठीही असते फायदेशीर

कांद्याची पेस्ट लावा

पातळ केस जाड करण्यासाठी तुम्ही कांद्याचे हेअर पॅकदेखील लावू शकता. यासाठी कांद्याच्या पेस्टमध्ये एलोवेरा जेल आणि टी ट्री ऑइलचे 3-4 थेंब मिसळा. आता ही पेस्ट केसांना चांगली लावा आणि अर्ध्या तासानंतर केस स्वच्छ पाण्याने धुवा.