Hair care : बटाट्याचे 'हे' हेअर मास्क केस बनवतील मजबूत आणि चमकदार, ही आहे बनवण्याची पद्धत

मुंबई, 26 मार्च : बटाटा हा सर्वात जास्त खाल्ल्या जाणाऱ्या भाज्यांपैकी एक आहे. पण भाज्यांव्यतिरिक्त बटाटे अनेक प्रकारे आपल्यासाठी उपयुक्त ठरू शकतात. बटाट्यामध्ये भरपूर पोषक असतात. विशेषतः त्यात पोटॅशियम, लोह आणि झिंक यांसारखी खनिजे तसेच जीवनसत्त्वे बी, सी आणि अनेक अँटी-ऑक्सिडंट्स असतात. जे आरोग्यासाठी तसेच आपल्या त्वचेसाठी खूप फायदेशीर आहेत. यासोबतच बटाटा केसांच्या वाढीसाठीही खूप उपयुक्त ठरतो. आज आपण अशाच काही हेअर मास्कबद्दल बोलणार आहोत जे केसांचे आरोग्य आणि सौंदर्य वाढवण्यात चांगली भूमिका बजावू शकतात. त्यांच्याबद्दल जाणून घेऊया.

बटाट्याचा रस केसांना लावल्याने केसांची क्युटिकल्स बंद होतात आणि टाळूही स्वच्छ होते. यामुळे केसांना नवीन चमक येते. याशिवाय बटाट्याच्या रसात इतर काही गोष्टी मिसळून डोक्याला लावल्याने केसांची वाढ चांगली होते आणि केसांच्या इतर सर्व समस्याही संपतात. बटाट्याच्या रसासोबत इतर काही गोष्टींचा वापर केल्यास केसही लवकर वाढतात.

Hair Care Tips : पावसाळ्यात केसातील कोंड्यामुळे त्रस्त आहात? करा हे घरगुती उपाय

केसांच्या वाढीसाठी बटाट्याचा हेअर मास्क

एक बटाटा धुवून आणि सोलून घ्या. त्यानंतर तो बारीक किसून घ्या किंवा मिक्सरमध्ये त्याची प्युरी बनवा आणि त्यानंतर तो बटाटा एका स्वच्छ कपड्यात घेऊन पिल्यानं त्यातून रस काढून घ्या. लक्षात ठेवा की केसांमध्ये नेहमी ताज्या बटाट्याचा रस वापरा. हा बटाट्याचा रस तुम्ही थेट केसांच्या टाळूवर वाळू शकता. याने टाळूची मालिश केल्याने केस स्वच्छ होतात तसेच केसांची वाढ देखील होते. हा उपाय तुम्ही आठवड्यातून एकदा करून पाहू शकता.

मध, अंडी आणि बटाट्याचा हेअर मास्क

कोरड्या केसांना चमक आणण्यासाठी बटाट्याचा रस खूप प्रभावी आहे. मध आणि अंडी सह बटाट्याचा रस वापरणे अधिक प्रभावी आहे. मधामध्ये अँटी-फंगल गुणधर्म असतात जे केस गळणे आणि कोंडा दूर करण्यास मदत करतात. दुसरीकडे, अंड्यांमध्ये आढळणारे पेप्टाइड्स केसांच्या वाढीसाठी खूप फायदेशीर असतात. त्यामुळे हे सर्व मिसळून केसांना लावल्याने अनेक फायदे होतात. ते बनवण्यासाठी दोन किंवा तीन मध्यम आकाराच्या बटाट्यांचा ताजा रस काढा आणि त्यात एक मोठा चमचा मध आणि एक अंड्यातील पिवळ बलक मिसळा आणि चांगले फेटून घ्या. आता ही पेस्ट तुमच्या स्कॅल्पवर लावून मसाज करा. त्यानंतर अर्ध्या तासानंतर केस धुवा. आठवड्यातून एकदा हा उपाय करून पाहिल्यास केसांची वाढ चांगली होते.

Skin care: बेसन वापरून असं करा फेशिअल; घरच्या घरी निखळ-सुंदर होईल चेहऱ्याची त्वचा

बटाटा आणि कोरफड हेअर मास्क

एक चमचा बटाट्याच्या रसात दोन चमचे कोरफडीचा गर किंवा जेल मिसळून स्मूद पेस्ट बनवा. आता केसांच्या मुळांमध्ये बोटांच्या मदतीने हलके मसाज करा. त्यानंतर तासाभराने केस स्वच्छ पाण्याने धुवा. आठवड्यातून दोन-तीन वेळा हा उपाय केल्याने केसांची वाढ चांगली होते. एलोवेरा जेलमध्ये बॅक्टेरियाच्या वाढीस प्रतिबंध करणारा पदार्थ आणि दाहक-विरोधी गुणधर्म असतात. तसेच सूर्याच्या हानिकारक किरणांपासून आपल्या केसांचे संरक्षण होते.