Hair Care : फक्त त्वचाच नव्हे तर केसांसाठीही फायदेशीर आहे बेसन; असा करा वापर

मुंबई, 11 नोव्हेंबर : सामान्यत: लोक त्वचेची काळजी घेण्यासाठी बेसनाचा भरपूर वापर करतात. बेसन केवळ त्वचेला चांगल्या प्रकारे एक्सफोलिएट करत नाही तर पोषणातही खूप मदत करते. त्याच्या नियमित वापराने, त्वचा गुलाबी आणि चमकदार दिसते. सौंदर्य वाढवण्यासाठी त्वचेची जितकी काळजी घेणे आवश्यक आहे, तितकेच केसांचे सौंदर्यही खूप महत्त्वाचे आहे. बेसनमध्ये प्रोटीन आणि कॅल्शियम भरपूर असते, जे केसांच्या वाढीसाठी चांगले मानले जाते.

बेसनामध्ये असलेले आयर्न केस तुटणे आणि गळणे थांबवते. बेसनाचे पीठ टाळूच्या खोल स्वच्छतेसाठीही काम करते. मात्र तुम्ही बेसनाच्या मदतीने तुम्ही केसांच्या अनेक समस्यांवरही मात करू शकता. आज आम्ही तुम्हाला बेसन वापरून दाट आणि काळे केस कसे मिळवू शकता याबद्दल माहिती देणार आहोत. केसगळतीपासून सुटका मिळवण्यासाठी या टिप्स नक्की फॉलो करा.

केस आणि स्कीन केअरसाठी उसाचा रस असा वापरून बघा; परिणाम तुम्ही स्वत: पाहाल

बेसनाने केसांची अशी काळजी घ्या

हेअर मास्क म्हणून तुम्ही बेसनाचा वापर करू शकता जे केसांसाठी खूप फायदेशीर आहे. यामध्ये असलेले उच्च प्रोटीन, व्हिटॅमिन्स आणि मिनरल्सचे प्रकार केसांना नैसर्गिकरित्या निरोगी बनवतात आणि समस्यांपासून दूर ठेवण्यास मदत करतात.

बेसन हेअर मास्क साठी साहित्य

बेसन 4 चमचे

अंडी 2 फक्त पांढरा भाग

दही 2 टीस्पून

व्हिटॅमिन ई कॅप्सूल 2

बदाम तेल 1 ते 2 टीस्पून

बेसनाचे हेअरपॅक असे बनवा

एका भांड्यात अंडी आणि दही चांगले फेटून घ्या. आता या मिश्रणात बदामाचे तेल, व्हिटॅमिन-ई कॅप्सूल आणि बेसन घालून चांगले मिक्स करा. चांगली पेस्ट झाल्यावर थोडा वेळ झाकून ठेवा. तुमचा बेसन हेअर मास्क तयार आहे. आता हा मास्क तुमच्या केसांना चांगला लावा आणि अर्ध्या तासानंतर स्वच्छ पाण्याने धुवा. दुसऱ्या दिवशी सौम्य शाम्पूने केस धुवा. हा हेअर मास्क तुम्ही आठवड्यातून दोनदा लावू शकता.

शरीरातील ऊर्जा कमी करतात ‘या’ 5 गोष्टी; लगेच रुटीनमध्ये करा बदल

बेसन हेअर मास्कचे फायदे

बेसनामध्ये प्रोटीन, लोह आणि कॅल्शियम भरपूर प्रमाणात असते, जे केसांच्या वाढीसाठी चांगले मानले जाते. यामध्ये असलेले आयर्न केस तुटणे आणि गळणे थांबवते. बेसनाचे पीठ टाळूच्या खोल स्वच्छतेसाठीही काम करते.