संपूर्ण पोषण हवंय? मग चुकूनही सालींशिवाय खाऊ नका ही 15 फळं

मुंबई, 5 फेब्रुवारी : फळे आपल्या आरोग्यासाठी खूप फायदेशीर आहेत. यात शंका नाही. फळांमध्ये अनेक प्रकारचे पौष्टिक घटक आढळतात. जे आपल्याला अनेक आजारांपासून वाचवतात आणि वृद्धत्वाचा परिणामही कमी करतात. पण बहुतेक लोकांना फळे सोलून खायला आवडतात. विज्ञान सांगते की, बहुतेक फळांच्या सालीमध्ये अधिक पोषक तत्वे आढळतात.

अननस, टरबूज यांसारख्या फळांची साल पचायला जड जाते. त्यामुळे त्यांची सालं काढणं गरजेचं असलं, तरी सफरचंद, जर्दाळू, बेरी, गाजर इत्यादी सोलून त्यामध्ये असलेली पोषकतत्त्वे मिळत नाहीत. खरं तर, सफरचंद सालीसह खाल्ल्याने ३३२ टक्के जास्त व्हिटॅमिन के, १४२ टक्के जास्त व्हिटॅमिन ए, ११५ टक्के जास्त व्हिटॅमिन सी आणि २० टक्के जास्त कॅल्शियम मिळते. बटाट्यासारख्या काही भाज्यांमध्येही असेच फायदे आढळतात.

फ्रीजमध्ये अन्नपदार्थ ठेवणं योग्य की अयोग्य? जाणून घ्या तज्ज्ञ काय म्हणतात

ही फळे न सोलता का खावी?

हेल्थलाइनच्या बातमीनुसार, फळांच्या सालीतून अधिक पोषक तत्व मिळतात. यामध्ये भरपूर फायबर असते, ज्यामुळे पोट दिवसभर भरलेले असते. यामुळे काही फळे वजन कमी करण्यासाठी खूप उपयुक्त आहेत. अनेक अभ्यासात असे आढळून आले आहे की, फायबर पचण्यासाठी पोटात बराच वेळ जातो, त्यामुळे भूक लवकर लागत नाही.

यासोबतच फळांच्या सालीमध्ये अनेक प्रकारचे अँटीऑक्सिडंट आढळतात. एका अभ्यासानुसार फळाची साल सोबत खाल्ल्यास ३१ टक्के जास्त फायबर मिळते. त्याचप्रमाणे फळांच्या सालीसह खाल्ल्याने अँटिऑक्सिडंट्सचे प्रमाण ३२८ टक्क्यांनी वाढते. याशिवाय कॅल्शियम, जीवनसत्त्वे, फोलेट, मॅग्नेशियम, फॉस्फरस इत्यादींचे प्रमाणही वाढते.

फळाची साल अनेक रोगांपासून संरक्षण करते

सालीमुळे अँटिऑक्सिडंट्सचे प्रमाण वाढते, त्यामुळे अनेक आजारांशी लढण्यास मदत होते. वास्तविक अँटिऑक्सिडंट्स शरीरातील फ्री रॅडिकल्सपासून संरक्षण करतात. फ्री रॅडिकल्सच्या अतिरेकीमुळे शरीरातील ऑक्सिडेटिव्ह तणाव वाढतो, ज्यामुळे शरीरातील पेशींना नुकसान होते आणि त्यामुळे शरीरात अनेक रोग निर्माण होऊ लागतात.

अँटिऑक्सिडंट्स हे फ्री रॅडिकल्स तयार होऊ देत नाहीत. संशोधकांना त्यांच्या अभ्यासात असे आढळून आले आहे की, अँटिऑक्सिडंट्समुळे हृदयरोग आणि कर्करोगाचा धोका मोठ्या प्रमाणात कमी होतो. फळांच्या सालीमध्ये भरपूर अँटीऑक्सिडंट्स आढळतात. एका अभ्यासात असे दिसून आले आहे की, फळांच्या सालीमध्ये 328 टक्के जास्त अँटीऑक्सिडंट्स आढळतात.

World Cancer Day: किडनी कॅन्सर कसा ओळखावा? डॉक्टरांनी सांगितली 10 लक्षणे

सालासह खाल्लेल्या फळांची यादी

सफरचंद, जर्दाळू, शतावरी, केळी, बेरी, गाजर, चेरी, लिंबूवर्गीय फळे, काकडी, वांगी, द्राक्षे, किवी, मशरूम, बीट्स, पीच, नाशपाती, प्लम्स.