Home /News /lifestyle /

फ्रेश की फ्रोझन, कोणते मटार खाण्यासाठी चवदार आणि पौष्टीक?

फ्रेश की फ्रोझन, कोणते मटार खाण्यासाठी चवदार आणि पौष्टीक?

मटार चवदार असण्यासोबतच शरीरासाठी अतिशय उपयुक्त असतात. हे ताजे आणि फ्रीज केलेले अशा दोन्ही प्रकारात मिळतात. परंतु त्यातील अधिक पौष्टीक आणि चवदार कोणते हे या लेखातून जाणून घेऊया.

    मुंबई, 26 जून : मटार (Peas) शरीरासाठी अत्यंत उपयुक्त मानले जातात. मटारमध्ये मुबलक प्रमाणात प्रोटीन्स (Protein) आढळतात. याशिवाय ते लो फॅट (Low Fat), हाय फायबर (High Fiber) आणि व्हिटॅमिन ए, डी, ई आणि व्हिटॅमिन के (Vitamin A, D, E, K) चे उत्कृष्ट स्त्रोत असतात. केवळ 100 ग्रॅम मटारमध्ये अंदाजे 7 ग्रॅम प्रोटीन असते. परंतु ताजे मटार आणि फ्रीज केलेले मटार (Fresh And Frozen Peas Nutrients) यापैकी चांगले कोणते असा प्रश्न तुम्हाला पडला असेल तर त्याचे उत्तर तुम्हाला येथे मिळू शकते. E Times ने दिलेल्या माहितीनुसार, मटारच्या एकूण जागतिक उत्पादनापैकी केवळ 5 टक्के उत्पादन ताजे (Fresh Peas) विकले जातात. उर्वरित सर्व फ्रीज करून (Frozen Peas) विकले जातात. आजच्या या लेखामध्ये फ्रेश आणि फ्रीज केलेल्या मटारची चव, उपलब्धता, टिकाऊपणा आणि त्यातील पोषक तत्वे यांच्या आधारावर तुलना (Fresh And Frozen Peas Compares) केलेली आहे.

    Hair Smoothening Treatment नंतर होतेय केस गळती? अशी घ्या केसांची काळजी

    फ्रेश मटार 1) फ्रेश मटार पिकल्यानंतर लगेच खाणे आवश्यक असतात. कारण ते सुरुवातीला मऊ असतात आणि काही दिवसात ते कडक होतात. 2) मटार शेंगातून बाहेर काढणे हे एक कंटाळवाणे काम आहे. जेव्हा एखाद्याला घाई असते तेव्हा ते शक्य नसते कारण यामुळे स्वयंपाकाला थोडा वेळ लागू शकतो. 3) फ्रेश वाटाणे चवीला चांगले लागतात. परंतु ते शिळे झाले की ते कडक बनतात. मात्र फ्रेश किंवा फ्रोझन मटारच्या चवीत फारसा फरक नसतो. 4) फ्रेश मटार पिकल्यानंतर एका दिवसात त्यांच्यातील निम्मे जीवनसत्व गमावतात आणि नंतर ते कडक दाण्यांच्या स्वरुपात खाल्ले जाऊ शकतात.

    फायबर आरोग्यासाठी फायदेशीर असलं तरी जास्त खाणं टाळा; त्याचे हे साईड इफेक्ट होऊ लागतात

    फ्रोझन मटार 1) फ्रोझन मटारचे लाइफ जास्त असते. फ्रीझरमध्ये व्यवस्थित साठवल्यास मटार वर्षभर टिकू शकतात. सामान्यत: मटार सुरुवातीच्या टप्प्यातच फ्रीज केले जातात. यामुळे ते दीर्घ काळासाठी चांगले राहतात आणि चवदार लागतात. 2) फ्रोझन मटार त्यावर कुठलीही मेहनत न घेता जेवण बनवण्यासाठी वापरले जाऊ शकतात आणि ते साठवण्याचा त्रासही कमी होतो. बाजारातून फ्रोझन मटारचे पॅकेट सहज खरेदी करता येते आणि हवे तेव्हा ते वापरता येते. 3) पिकलेले मटार गोठवल्याने त्यांचा पोत आणि गोडवा कमी होत नाही तर तो टिकून राहतो. 4) फ्रोझन मटारमध्ये सर्व पोषक घटक टिकून राहतात कारण ते त्यांच्या पिकण्याच्या टप्प्यातच गोठवले जातात.
    Published by:Pooja Jagtap
    First published:

    Tags: Food, Health Tips

    पुढील बातम्या