भोपाळची फेमस 'घमंडी लस्सी' आता मुंबईत! कमी कालावधीत झाली सुपरहिट, पाहा Video

नुपूर पाटील, प्रतिनिधी

मुंबई, 15 मार्च : उन्हाळा आला की थंड पेय पिण्याच्या ठिकाणी गर्दी वाढू लागते. अनेक नवे कोल्ड्रिंक या निमित्तानं बाजारात येतात. कोल्ड्रिंकच्या जाहिरातीमध्ये ताक, मठ्ठा, लस्सी हे भारतीय थंड पदार्थ आजही लोकप्रियता टिकवून आहेत. मुंबईतील प्रत्येक भागात या पदार्थांची विक्री करणारे एक तरी दुकान हमखास असते. त्या दुकानात उन्हाळ्यात चांगलीच गर्दी होते. मध्य प्रदेशातल्या भोपाळमधील प्रसिद्ध घमंडी लस्सी आता मुंबईतही दाखल झाली असून फक्त दीड महिन्यात ती सुपरहिट झाली आहे.

घमंडी नाव का?

घमंडी याचा साधारण अर्थ गर्विष्ठ असा होतो. पण, आम्हाला आमच्या प्रॉडक्टचा अभिमान आहे. त्यामुळे आम्ही मोठ्या अभिमानानं या लस्सीला घमंडी लस्सी असं म्हणतो. आम्ही ग्राहकांना संपूर्ण शुद्ध प्रॉडक्ट देतो. त्यामध्ये कोणत्याही प्रकारचे पिझेर्व्हेटिव्ह मिसळत नाही, अशी माहिती विक्रेता किशोर रजनी यांनी दिली.

कशी बनवतात लस्सी?

लस्सीसाठी 12 तास दूध दही बनवायला ठेवलं जातं. त्यात कोणतेही केमिकल वापरले जात नाही.त्यानंतर त्यात साखर टाकून लस्सी बनवली जाते. काजू, बदाम, पिस्ता, अक्रोड असे विविध प्रकारचे ड्रायफ्रूट्स टाकून लस्सी ग्राहकांना दिली जाते.

उन्हाळ्यात मिळेल हमखास थंडावा, पुण्यातील सर्वात फेमस मठ्ठा पिऊन तर पाहा! Video

घमंडी हे नाव वाचून ग्राहक इथं येतो. एकदा आलेला ग्राहक पुन्हा आल्याशिवाय राहत नाही. आता आम्हाला संपूर्ण महाराष्ट्रात ही लस्सी न्यायची आहे,' असं विक्रेता किशोर रजनी यांनी सांगितलं.

कुठे आहे लस्सी शॉप?

दादर पश्चिमेला रानडे रस्त्यावर सुरती फरसणार मार्टच्या बाजूला हे लस्सी शॉप आहे.

संपर्क क्रमांक - 9826088332

गूगल मॅपवरून साभार