Mental Health : एक्सरसाइज, पॅशन आणि हेल्दी रिलेशनशिप; मानसिक आरोग्यासाठी आहे वरदान

मुंबई, 13 जानेवारी : मानसिक स्वास्थ्याचा व्यक्तीच्या शरीराच्या प्रत्येक अवयवाच्या आरोग्यावर आणि सर्व दैनंदिन कामांवर परिणाम होतो. चांगले मानसिक आरोग्य म्हणजे व्यक्तीचे मन आणि मेंदू पूर्णपणे निरोगी असणे. जर तो निरोगी असेल तर शरीराची कार्यक्षमता आपोआप सुधारते. मानसिक आरोग्याबाबत वेळोवेळी नवनवीन संशोधने होत आहेत. मानसिक आरोग्य कसे सुधारता येईल आणि मानसिक आरोग्याशी कोणते घटक संबंधित आहेत हे या संशोधनात स्पष्ट केले गेले आहे.

असेच एक नवीन संशोधन असे सुचवते की व्यायाम, निरोगी नातेसंबंध आणि तुमचे छंद हे मानसिक आरोग्यासाठी वरदान ठरू शकतात. होय! ते एकमेकांशी तितकेसे संबंधित दिसत नाहीत, परंतु हे तिघे मिळून मानसिक आरोग्य मजबूत करण्यास मदत करू शकतात. एखाद्या व्यक्तीचे मानसिक आरोग्य सुधारण्यासाठी ते कसे उपयुक्त ठरतात. याबद्दल आज महित महाल माहिती देणार आहोत.

Women In 40’s: चाळीशीत एकटेपणा जाणवतोय? मग महिलांनो नक्की जोपासा 'हे' छंद

मानसिक आरोग्यावर परिणाम करणारे 3 घटक

पॅशन : मेडिकल न्यूज टुडेच्या मते, पॅशन म्हणजे काही काम करण्याची आवड आणि उत्साह जो व्यक्तीला नेहमी त्या कामासाठी प्रेरित करतो. आपल्या आवडीचे काम केल्याने व्यक्तीची उत्पादकता तर वाढतेच, पण त्याला आनंदी राहण्यासही मदत होते. व्यक्ती त्याच्या कामाचा आनंद घेण्यास सक्षम असते. ज्यामुळे तणाव आणि नैराश्याचा धोका देखील कमी होतो.

व्यायाम : व्यक्तीचे मानसिक आणि शारीरिक आरोग्य दोन्ही एकमेकांवर अवलंबून असतात. व्यायामामुळे शरीर शारिरीक दृष्ट्या मजबूत होते, मानसिक फायदेही होतात. व्यायामामुळे रक्तप्रवाह सुधारतो, पचनसंस्था बळकट होते, तसेच अधिक निरोगी आणि आनंदी संप्रेरकांचे प्रकाशन होते, ज्यामुळे मानसिक आरोग्याची पातळीही सुधारते.

Winter Laziness : हिवाळ्यात जास्त आळस का येतो? थंडीतही अ‍ॅक्टिव्ह राहण्यासाठी करा हे उपाय

चांगले नातेसंबंध : अनेकदा नात्यातील समस्या तणावाचे कारण बनतात, तर निरोगी नाते टिकून राहिल्यास व्यक्तीचे जीवन आनंदी होते. मानसशास्त्रज्ञही या गोष्टीवर विश्वास ठेवतात आणि संशोधनातूनही ही वस्तुस्थिती समोर येते. चांगल्या सामाजिक संवादामुळे एखाद्या व्यक्तीला त्याच्या जीवनातील समस्यांशी सहजपणे लढण्यास मदत होते, म्हणूनच निरोगी सामाजिक संवाद आणि नातेसंबंध मानसिक आरोग्य सुधारण्यास मदत करतात.