Home /News /lifestyle /

ती सध्या काय करते? अश्विनी भावेचा होळी VIDEO VIRAL झाल्यानंतर चाहत्यांना पडला प्रश्न

ती सध्या काय करते? अश्विनी भावेचा होळी VIDEO VIRAL झाल्यानंतर चाहत्यांना पडला प्रश्न

मराठी तसेच हिंदी सिनेसृष्टीत नावलौकिक मिळवणारी अभिनेत्री अश्विनी भावे (Ashvini Bhave) सध्या चित्रपटसृष्टीपासून लांब आहेत. पण सोशल मिडीयाद्वारे ती चाहत्यांच्या संपर्कात असते.

    मुंबई, 2 एप्रिल : 90 च्या दशकातील (90s decade) एक लोकप्रिय नाव म्हणजेच अभिनेत्री अश्विनी भावे (Ashvini Bhave). आपल्या अभिनयाने आणि सौंदर्याने तिने मोठा चाहता वर्ग निर्माण केला होता. तर आजही तिचे चित्रपट प्रेक्षक आवर्जून पाहतात. गेली काही वर्षे अश्विनी चित्रपटस़ृष्टीपासून दूर आहे. तर आता संपूर्ण वेळ ती कुटुंबालाच देत आहे. अश्विनी भावे सध्या अमेरिकेतील सॅन फ्रॅन्सिस्को (San Franscisco)  मध्ये कुटुंबात सोबत राहते. पण सोशल मिडीयाद्वारे (social media) ती सतत चाहत्यांच्या संपर्कात असते. अमेरिकेतल्या घराचे तसेच घराच्या आजूबाजूला असलेल्या सुंदर बगीच्यांचे व्हिडीओ ती पोस्ट करत असते. नुकताच होळीचा सण येऊन गेला तेव्हा अश्विनीने पुरणपोळीचा व्हिडीओ शेअर केला होता. त्यावर तिला अनेक कमेंट्स (comments by fans) मिळाल्या होत्या.
    अश्विनीने तिच्या अमेरिकेतील घराभोवती सुंदर फुलांची तसेच फळभाज्यांची बाग फुलवली आहे. स्वत:च्या बागेतील फुलवलेल्या भाज्या खाण्यात वेगळा आनंद असतो असं अश्विनी म्हणते.
    अश्विनी आता चित्रपटांत दिसत नसली तरीही तिच्या जुन्या हिंदी, मराठी चित्रपटांचे असंख्य चाहते आहेत. हेना, परंपरा, कायदा कानून, जखमी दिल (Jakhmi dil) , एक राजा राणी, पुरुष, जुर्माना अशा अनेक हिंदी चित्रपटांत तिने काम केलं आहे.
    तर मराठीत अशी ही बनवा बनवी (Ashi hi banva banvi), धडाकेबाज (Dhadakebaaz) , शाब्बास सुनबाई (shabbas sunbai), सरकारनामा (sarkarnama), हळद रुसली कुंकू हसलं (halad rusli kunku hasla), एक रात्र मंतरलेली अशा सुपरहिट चित्रपटांत तिने काम केलं आहे. मराठी, हिंदी खेरीज काही कन्नड चित्रपटांतही तिने काम केलं आहे. ‘शरवेगडा सरदारा’, ‘विष्णू विजाया’, ‘Rangenahalliyage Rangada Rangegowda’ या कन्नड चित्रपटांत ती दिसली होती.

    कादर खान यांच्या मुलाचं निधन; एअरपोर्टवर करत होता सिक्युरिटीचं काम

    अश्विनीने उद्योजक किशोर बोपार्डीकर Kishore Bopardikar यांच्याशी विवाह केला असून त्यांना दोन मुलं आहेत. सध्या ती कुटुंबासोबतच संपूर्ण वेळ घालवते.

    Published by:News Digital
    First published:

    Tags: Bollywood actress, Marathi actress

    पुढील बातम्या