Home /News /lifestyle /

Digestion Tips: दुपारच्या जेवणात अजिबात खाऊ नका हे पदार्थ; पोटाच्या समस्यांना द्याल आमंत्रण

Digestion Tips: दुपारच्या जेवणात अजिबात खाऊ नका हे पदार्थ; पोटाच्या समस्यांना द्याल आमंत्रण

बाहेरचं जेवण अटळ असेल तर किमान हे तरी टाळा...

बाहेरचं जेवण अटळ असेल तर किमान हे तरी टाळा...

बाहेरचं जेवण अटळ असेल, तर काही गोष्टी तरी किमान खाणं टाळलं पाहिजे. उन्हाळ्यात पचनाच्या विकारांना निमंत्रण देऊ नका, वाचा महत्त्वाच्या गोष्टी..

    दिल्ली, 1मे: कोरोना साथीने (Corona Pandemic) जगाला आरोग्य, फिटनेस, प्रतिकारशक्ती याकडे डोळसपणे बघायला भाग पाडलं. चांगल्या प्रतीच्या भाज्या, धान्य, फळं वापरून घरी केलेले पदार्थ तब्येतीवर कसा चांगला परिणाम करतात हे गेल्या दोन वर्षांत अनेकांनी अनुभवलं. आता लॉकडाउन संपला, व्यवहार रुळावर आले, तसं अनेक जण पूर्वीप्रमाणे हॉटेल, ढाबे, खाऊच्या गाड्यांवर गर्दी करू लागले. ऑफिसेसही पूर्ण क्षमतेनं सुरू झाल्याने कामाच्या वेळा आणि तासही वाढले आहेत. अशा वेळी घरातून नाश्ता करून दुपारी बाहेरच जेवणाऱ्यांची संख्या वाढते आहे; मात्र बाहेरचं खात असाल, तर काही गोष्टी खाणं टाळलं पाहिजे. त्या गोष्टी कोणत्या व त्या खाण्यामुळे तब्येतीवर काय परिणाम होऊ शकतो, याबाबत अधिक जाणून घेऊ या. दुपारच्या जेवणात अथवा डब्यात नेहमी पोषक व चांगल्या (Healthy) पदार्थांचा समावेश करावा असं 'द हेल्थसाइट'नं म्हटलं आहे. आपण जे अन्न खातो, त्याचा तसाच परिणाम आपल्या शरीरावर होत असतो. शरीराला चांगलं अन्न दिलं, तर शरीर चांगल्या पद्धतीने काम करील; पण शरीराला खराब, पोषणमूल्य नसलेलं अन्न वारंवार दिले, तर शरीर व मेंदूही कार्यक्षम राहणार नाही. तब्येतीच्या तक्रारी उद्भवतील. त्यामुळे दुपारच्या वेळी बाहेरचं, जंक फूड खाणं टाळलं पाहिजे. तळलेले पदार्थ सामान्यतः दुपारच्या वेळी एकट्यानं हॉटेलमध्ये जाण्याऐवजी पटकन खाता येईल असे वडापाव, सामोसा, पॅटिस, कचोरी, भजी असे पदार्थ काही जण खातात. अशा तळलेल्या (Oily Food) पदार्थांमुळे पचनशक्ती खराब होते. त्याऐवजी फळं किंवा काही चांगल्या अन्नपदार्थांचं सेवन केलं पाहिजे. मैद्यापासून बनलेले पदार्थ चायनीज, पास्ता, बर्गर असे पदार्थ खाण्याला अनेकांची पसंती असते. अलीकडे हे पदार्थ अनेकांच्या आहारात वाढू लागले आहेत. या सर्व पदार्थांमध्ये मैदा असल्याने तो पोटासाठी घातक असतो. त्यामुळेही पचनाच्या तक्रारी निर्माण होतात. तसंच या पदार्थांमध्ये फायबर्सही नसतात. त्यामुळे असे पदार्थ दुपारच्या जेवणात टाळावेत.

    वाचा - शरीरावरील एका छोट्याशा तिळाने वाचवला मॉडेलचा जीव; भयंकर आजाराचं वेळीच झालं निदान

    सँडविच अनेकांना बाहेर तयार केलेली सँडविचेस (Sandwiches) खूप आवडतात. त्यात खूप वैविध्यही असतं; पण त्यात वापरलेला ब्रेड ताजा आहे की शिळा याची आपल्याला कल्पना नसते. तसंच वापरलेल्या भाज्याही चांगल्या, धुऊन, निवडून घेतल्या आहेत की नाही, याची खातरजमा आपण करू शकत नाही. त्यामुळे वरचेवर हे खाणं टाळणंच उत्तम. नाही तर जंतुसंसर्ग होऊन पोट बिघडू शकतं. पॅटिस रस्त्यावर बहुतेक वेळा स्वस्तात मिळणारं आलू पॅटिस, चिकन पॅटिस खाऊन अनेक जण दिवस काढतात. त्यात वापरलेला मसाला, भाजी, चिकन वगैरे काही कालावधीनंतर खराब व्हायला लागतं. उन्हाळ्यात तर काही तासांतच त्यांना वास येऊ शकतो. त्यामुळे असे पदार्थ खाऊ नयेत. ज्यूस उन्हाळ्यात किंवा दुपारच्या वेळी कामानिमित्त बाहेर फिरणाऱ्या व्यक्ती हेल्दी म्हणून ज्यूसवर (Juice) भर देतात; पण त्यातली फळं ताजी (Fresh Fruits) व कीड नसलेली, चांगली आहेत का हे कधी तपासलं आहे का? कारण ही फळं ताजी नसतील, तर त्यातून शरीराला काहीच पोषणमूल्यं मिळणार नाहीत. तसंच ही सरबतं, ज्यूसेस आधीपासून तयार करून ठेवली आहेत, की ग्राहकाने मागितल्यावर केली आहेत, याचीही खात्री करून घ्यायला हवी. कारण ज्यूस नेहमी ताजाच प्यावा. अन्यथा पोटात गॅसेस होणं, पोट बिघडणं अशा तक्रारी सुरू होतात. तसंच ज्यूस पिताना एक महत्त्वाची गोष्ट म्हणजे त्यात वापरलेलं पाणी आणि बर्फ. त्याचाही दर्जा चांगला आहे ना, हे पाहिलं पाहिजे. नाही तर कॉलरा, काविळ यांसारखे आजार पसरू शकतात. एकंदरीत दुपारच्या वेळी बाहेरचे, शरीराला चांगले नसलेले अन्नपदार्थ खाण्यापेक्षा घरून डबा नेणं शक्य असेल, तर तो उत्तम पर्याय ठरेल. अथवा घरगुती खानावळींसारखे पर्याय योग्य ठरू शकतील.
    First published:

    Tags: Food, Health Tips

    पुढील बातम्या