प्रत्येकी पंधरावा मुंबईकर कोरोनाला गेला सामोरा; Sero Survey ची धक्कादायक आकडेवारी

मुंबई, 29 सप्टेंबर :  सोमवारीच कोरोनाबाबत (coronavirus) राज्यातून समाधानकारक अशी आकडेवारी आली. राज्यातील बऱ्या होणाऱ्या रुग्णसंख्येत वाढ झाली, शिवाय मृत्यू संख्येतही घट झाली. गेल्या चार महिन्यांत एका दिवसातील सर्वाधिक कमी मृत्यूची नोंद 28 सप्टेंबरला झाली. हा दिलासा मिळालेला असताना 24 तासांतच राज्याच्या राजधानीचं धक्कादायक असं चित्रं समोर आलं आहे. इंडियन काऊन्सिल मेडिकल रिसर्चने (ICMR) दुसरा राष्ट्रीय सीरो सर्व्हे (Sero Survey)अहवाल जारी केला आणि त्यातून मुंबईतील (mumbai) कोरोनाबाबतची धक्कादायक आकडेवारी समोर आली आहे.

पहिल्या सिरो सर्व्हेमध्ये मे महिन्याच्या सुरुवातीलाच तब्बल 64 लाख लोकांना कोरोना संक्रमण झाल्याचं समोर आलं. ज्या जिल्ह्यांमध्ये कोरोनाचं एकही प्रकरण समोर आलं नाही. त्या जिल्ह्यांमधील लोकांना कोरोना होऊन गेल्याचं समजलं आणि आता दुसऱ्या सीरो सर्व्हेमध्ये  ग्रामीण भागापेक्षाही शहरी भागातील झोपडपट्टी परिसरात सर्वात जास्त लोकांमध्ये अँटिबॉडी सापडल्या आहेत. झोपडपट्टी परिसरात 10 वर्षांपेक्षा अधिक वयाच्या प्रत्येकी पंधरावा व्यक्ती कोरोनाला सामोरा गेला आहे. म्हणजेच त्याला कोरोनाव्हायरसची लागण झाली होती.

Urban slums (15.6 pc), non-slum (8.2 pc) areas have higher SARS-COV2 prevalence than in rural areas (4.4 pc): ICMR second sero-survey

— Press Trust of India (@PTI_News) September 29, 2020

17 ऑगस्ट ते 22 सप्टेंबरदरम्यान हे सीरो सर्व्हेक्षण करण्यात आलं. सीरो सर्व्हेच्या आकडेवारीनुसार झोपडपट्टी परिसरात 15.6% लोकांमध्ये कोरोनाविरोधातील अँटिबॉडीज सापडल्यात. झोपडपट्टी नसलेल्या परिसरात हे प्रमाण 8.2% आहे तर ग्रामीण भागात 4.4%  आहे. मुंबईमध्ये झोपडपट्टी मोठ्या प्रमाणात विस्तारलेली आहे आणि इथं मोठ्या प्रमाणात कोरोनाव्हायरस आपले हातपाय पसरतो आहे. मात्र त्याची कल्पनाही कुणाला नाही.

Second #COVID19 sero-survey shows one in 15 individuals aged ≥ 10 years was estimated to be exposed to COVID by August. Head of COVID Task Force, Dr. VK Paul tells @ShereenBhan, "Pandemic is now of a bigger magnitude than 4 weeks ago." pic.twitter.com/uz4Sh8HqzE

— CNBC-TV18 (@CNBCTV18News) September 29, 2020

नवी दिल्ली आणि मुंबई या भारतातील सर्वात मोठ्या दोन शहरांमध्ये कोरोनाचा सर्वात मोठा फटका बसला आहे. या शहरांमध्ये असलेल्या झोपडपट्टीत मोठ्या संख्येने रुग्ण सापडल्याने साथ सगळीकडे पसरली. या ठिकाणी असलेल्या दाट लोकवस्तीच्या घरांमुळे लोकांना एकमेकांपासून दूर राहण्यास अडचण निर्माण होत होती. सोशल डिस्टन्सिंग राखणं या भागात अशक्य असतं. सीरो सर्व्हेबाबत या दोन शहरांची तुलना केली असता, दिल्लीपेक्षाही मुंबईतील परिस्थिती किती चिंताजनक आहे, याचा अंदाजा येईल.

हे वाचा - कोरोनाचा धोका कायम; दिल्लीच्या दुसऱ्या टप्प्यातील सीरो सर्व्हेतून आली धक्कादायक

जून आणि जुलै महिन्यातील दिल्ली आणि मुंबईची तुलना करता दिल्लीत 27 जून ते 10 जुलै 21387 नमुन्यांची आणि  मुंबईत 29 जून ते  19 जुलै  6,936 नमुन्यांची तपासणी करण्यात आली. दिल्लीपेक्षा मुंबईतील नमुने कमी असले तरी दिल्लीत 23.5% लोकांमध्ये अँटिबॉडीज सापडल्यात. पण मुंबईत झोपडपट्टी परिसरात तब्बल 57.8% आणि झोपडपट्टी नसलेल्या भागात 17.4% लोकांमध्ये अँटिबॉडीज आढळल्यात. या आकड्यांवरून दिल्लीपेक्षा मुंबईची परिस्थिती किती भीषण परिस्थिती आहे हे दिसून येतं.

हे वाचा - लवकरच होणार कोरोनासारख्या कित्येक आजारांचा खात्मा; VIRUS खाणारा जीव अखेर सापडला

ही आकडेवारी यासाठी महत्त्वाची आहे. कारण प्रत्यक्षात कोरोनाची जी आकडेवारी सरकार जारी करतं आहे, त्यापेक्षा किती तरी अधिक लोकांना कोरोना आधीच झालेला आहे. ज्यांच्यामध्ये लक्षणं नाही आणि अप्रत्यक्षरित्या कोरोना पसरतो आहे.