कोलेस्टेरॉल वाढल्यास दिसत नाहीत लक्षणं! फक्त या पद्धतीनेच ओळखू शकता

मुंबई, 8 फेब्रुवारी : कोलेस्टेरॉल हा आपल्या शरीरात आढळणारा एक आवश्यक पदार्थ आहे. कोलेस्टेरॉलची सामान्य पातळी 200 mg/dL पेक्षा कमी मानली जाते. जेव्हा त्याचे प्रमाण सामान्यपेक्षा जास्त होते. तेव्हा हृदयविकाराचा झटका, पक्षाघातासह अनेक जीवघेण्या परिस्थिती उद्भवू शकतात. दरवर्षी कोलेस्टेरॉल वाढल्यामुळे अनेकांना जीव गमवावा लागतो.

आजच्या काळात कोलेस्टेरॉल हा साथीच्या रोगासारखा पसरत असून सर्व वयोगटातील लोक त्याला बळी पडत आहेत. यामुळेच लोकांनी सावध राहण्याची गरज आहे. आता प्रश्न असा पडतो की कोलेस्ट्रॉलची समस्या झपाट्याने का वाढत आहे. याचे उत्तर म्हणजे कोलेस्ट्रॉलची समस्या सुरुवातीला कळत नाही आणि परिस्थिती गंभीर झाली की लोकांना कळते.

कॅन्सर झाल्यास पुरुषांमध्ये दिसतात ही लक्षणं, या छोट्या त्रासांकडेही करू नका दुर्लक्ष

काही लोक त्याबाबत बेफिकीर ही असतात. कोलेस्टेरॉल नियंत्रित करणे फार कठीण काम नाही. छोट्या-छोट्या गोष्टींची काळजी घेऊन त्यावर सहज नियंत्रण ठेवता येते. कोलेस्टेरॉल वाढण्याचे सर्वात मोठे कारण म्हणजे चुकीची जीवनशैली आणि अस्वास्थ्यकर आहार मानले जाऊ शकते.

कोलेस्टेरॉलची कोणतीही लक्षणे दिसत नाहीत
मेयो क्लिनिकच्या अहवालानुसार, कोलेस्ट्रॉल वाढल्यावर कोणतीही लक्षणे दिसत नाहीत. हेच कारण आहे की, सुरुवातीला उच्च कोलेस्ट्रॉल शोधणे खूप कठीण आहे. ते प्रमाणापेक्षा जास्त झाले की मगच कळते. लक्षण न दिसल्यामुळे याला सायलेंट किलर म्हणतात, कारण ते गुप्तपणे वाढते आणि एखाद्या व्यक्तीला मारू शकते. हे फक्त रक्त तपासणीद्वारे शोधले जाऊ शकते. ही समस्या टाळण्यासाठी लोकांनी वेळोवेळी रक्त तपासणी करून घ्यावी.

कोलेस्ट्रॉल नियंत्रित करण्याचे 5 सोपे मार्ग
– दररोज 30 मिनिटे शारीरिक हालचाली करा.
– सकस आहार घ्या आणि जंक फूड टाळा.
– धूम्रपान आणि मद्यपानापासून पूर्ण अंतर ठेवा.
– आपले वजन नियंत्रित करण्याचा प्रयत्न करा.
– तुमची रक्त तपासणी वेळोवेळी करून घ्या.

निळे पडलेले ओठ असू शकतात अस्थमा अटॅकचे लक्षण, अशाप्रकारे टाळता येईल त्रास

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)