जॉब करणाऱ्या पालकांची मुलं होऊ शकतात मानसिकरित्या अस्वस्थ, या लक्षणांकडे करू नका दुर्लक्ष

मुंबई, 5 फेब्रुवारी : सध्या मुलांच्या चांगल्या संगोपनासाठी आणि आयुष्य चांगले करण्यासाठी दोन्ही पालकांना काम करावे लागते. अनेक पालकांना नोकरीसाठी आपल्या मुलांना एकटे सोडावे लागते किंवा त्यांनासांभाळण्यासाठी घरी एखादा केअरटेकर किंवा बाई ठेवावी लागते. बहुतांश घटनांमध्ये असे दिसून आले आहे की नोकरी करणाऱ्या पालकांच्या मुलांना अनेक प्रकारच्या मानसिक समस्यांना सामोरे जावे लागते.

एकटे राहिल्याने मुलांना दुर्लक्षित आणि एकटेपणाची भावना जाणवते. जे मानसिक समस्यांचे एक मोठे कारण आहे. नोकरदार पालकांना त्यांच्या मुलांची ही समस्या समजत नाही. त्यामुळे मुलांना अनेक प्रकारचे मानसिक विकार होऊ शकतात. या समस्या अधिक सामान्य आहेत, विशेषतः लहान मुलांमध्ये. चला जाणून घेऊया मुलांच्या त्या लक्षणांबद्दल, ज्यावरून अशा मुलांच्या मानसिक समस्या ओळखता येतात.

तुमचीही लहान मुलं स्वतःच्या हाताने जेवत नाहीत? मग 'या' टिप्स तुमच्यासाठी फायदेशीर

प्रत्येक गोष्टीवर रडणे

जेव्हा मुले मानसिकदृष्ट्या अस्वस्थ असतात तेव्हा त्यांना सर्व काही होल्डवर सांगणे आवडते. मेयो क्लिनिकच्या मते, जेव्हा मुलांना त्यांच्या पालकांचे लक्ष वेधून घ्यायचे असते तेव्हा ते सर्वकाही सांगणे बंद करतात. मुले हे तेव्हाच करतात जेव्हा त्यांना एकटे वाटते. जेव्हा एखादे मूल छोट्या छोट्या गोष्टींमुळेही रडते तेव्हा पालकांनी त्याच्या समस्यांकडे लक्ष दिले पाहिजे.

मुलं स्वतःशीच बोलतात

नोकरी करणाऱ्या पालकांची मुले कधीकधी डिप्रेशनमध्ये जातात. नोकरी करणारे पालक जेव्हा कामात व्यस्त असतात, तेव्हा ते मुलांना हवा तितका वेळ देऊ शकत नाहीत. काही वेळा पालकांना मुलांशी बोलायलाही वेळ मिळत नाही. अशा स्थितीत मूल स्वतःशीच बोलू लागते, हे नैराश्याचे महत्त्वाचे लक्षण आहे.

खाण्याच्या सवयींमध्ये बदल

मूल जेव्हा मानसिक समस्यांमधून जात असते तेव्हा मुलांच्या खाण्याच्या सवयीमध्ये बदल होतो. या स्थितीत अनेक मुलं गरजेपेक्षा जास्त खाऊ लागतात, तर काही मुलं खाण्यापिण्याकडे पूर्णपणे दुर्लक्ष करतात. दोन्ही परिस्थिती मुलांसाठी धोकादायक असू शकतात.

'या'आजारामुळे गणितात कमकुवत असतात मुलं, याचं कारण आणि उपचार जाणून घ्या

मुलांच्या झोपेत अडथळा

जेव्हा मूल झोपेत घाबरते किंवा झोपताना सारखी चुळबुळ करते. तेव्हा समजून घ्या की मुलाला झोपेत काही समस्या आहे. मानसिकदृष्ट्या अस्वस्थ मुलांना गाढ झोप येत नाही. ते घाबरून जागे होऊ शकतात किंवा झोपेत बडबड करू लागतात. अनेक मुले झोपेत बेड ओलेदेखील करू शकतात.

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)