Cardamom Benefits : छोटीशी वेलची करेल कॅन्सरपासून बचाव, वाचा इतर अद्भुत फायदे

मुंबई, 27 जानेवारी : लहान वेलचीमध्ये अद्भुत जादुई गुणधर्म असतात. वेलची चघळल्याने पचनसंस्था तर मजबूत होतेच, पण त्यामध्ये जगातील सर्वात धोकादायक आजार, कॅन्सरशी लढण्याची क्षमता असते. वेलचीमध्ये सौम्य गोड आणि पुदिन्यासारखी चव असते. म्हणूनच वेलची तोंडातील हानिकारक बॅक्टेरिया मारते, ज्यामुळे श्वासाची दुर्गंधी येत नाही आणि दातांमधील बॅक्टेरिया देखील नष्ट होतात.

वेलचीमध्ये अनेक प्रकारचे औषधी गुणधर्म आढळतात. अर्थात भाज्यांची चव वाढवण्यासाठी वेलचीचा वापर करता येतो. पण वेलचीचा वापर अनेक आजारांपासून दूर ठेवण्यासाठीही करता येतो. वेलचीमध्ये अनेक प्रकारचे पोषक घटक आढळतात. त्यात अनेक प्रकारची जीवनसत्त्वे, खनिजे, लोह, मॅंगनीज, कॅल्शियम, पोटॅशियम, रिबोफ्लेविन, नियासिन आणि मॅग्नेशियम आढळतात. वेलचीमध्ये अनेक प्रकारचे अँटिऑक्सिडंट्स देखील आढळतात.

किचनमधील हे पदार्थ आहेत खूप फायद्याचे, वजन कमी करून वाढवतील चेहऱ्यावरचा ग्लो

वेलचीमध्ये कर्करोगाशी लढणारी संयुगे

हेल्थलाइनच्या बातमीनुसार, वेलची पावडरमध्ये कॅन्सरशी लढण्याची क्षमता असते. वेलचीमध्ये असलेले कंपाऊंड कर्करोगाच्या पेशी नष्ट करण्यात मदत करते. पबमेड सेंट्रल या जर्नलमध्ये प्रकाशित झालेल्या एका अभ्यासात असे आढळून आले आहे की, जेव्हा कर्करोगग्रस्त उंदरांना जेव्हा वेलची पावडर खायला दिली गेली. तेव्हा त्यात विशिष्ट प्रकारचे कर्करोगाशी लढणारे एंजाइम विकसित झाले, ज्यामुळे कर्करोगाच्या पेशी नष्ट होतात.

इतकेच नाही तर वेलचीने शरीरात एक नैसर्गिक किलर तयार करण्यास सुरुवात केली, जी कर्करोगाच्या ट्यूमरवर हल्ला करते. दुसर्‍या अभ्यासात असे आढळून आले की, त्वचेचा कर्करोग असलेल्या उंदरांना 500 मिग्रॅ वेलची पावडर देण्यात आली 12 आठवड्यांनंतर लक्षणीय सुधारणा दिसून आली.

त्याच वेळी दुसऱ्या अभ्यासात, रक्तदाबावर उपचार घेत असलेल्या काही लोकांचा समावेश करण्यात आला आणि त्यांना तीन ग्रॅम वेलची देण्यात आली. काही आठवड्यांनंतर या लोकांचा रक्तदाब सामान्य झाला. अभ्यासात असे म्हटले आहे की, वेलचीमध्ये उच्च अँटीऑक्सिडेंट सामग्री असल्यामुळे ती रक्तदाब कमी ठेवण्यास उपयुक्त ठरते.

Kulthi Dal Benefits : प्रोटीनने भरपूर असते कुलथी डाळ, किडनी स्टोन बाहेर काढण्यासाठी प्रभावी

सर्व प्रकारच्या जळजळ दूर करते

वेलचीमध्ये दाहक-विरोधी गुणधर्म आढळतात. म्हणजेच जळजळ दूर करते. शरीराच्या पेशींमध्ये जळजळ होताच अनेक रोग सुरू होतात. सूज आल्यानंतर अनेक प्रकारचे संक्रमण होतात. वेलची जळजळ दूर करते आणि कोणत्याही प्रकारच्या संसर्गापासून संरक्षण करते. त्याचप्रमाणे वेलची पचनाच्या सर्व समस्या दूर करते. वेलचीचे सेवन केल्याने पचनक्रिया मजबूत होते, हे आयुर्वेदानेही शतकानुशतके सांगितले आहे. वेलची शरीरात अतिरिक्त चरबी जमा होऊ देत नाही.

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)