हातपाय बिलकुल हलवू शकत नव्हता; पण नर्सने असं काही केलं की अंथरूणातच नाचू लागला तरुण रुग्ण

पूनम श्रीनिवास/हैदराबाद, 06 एप्रिल :  किती तरी दिवस तो अंथरूणाला खिळला होता. आपलं शरीर थोडंही हलवण्याची शक्ती त्याच्यात नव्हती. एखाद्या जिवंत मूर्तीप्रमाणे तो अंथरूणावरच होता. पण नर्सने असं काही केलं की कित्येक दिवस अंथरूणाला खिळलेला तरुण रुग्ण अचानक अंथरूणातच नाचू लागला. या रुग्णाचा व्हिडीओही समोर आला आहे (Patient recoverd with nurse dance therapy). तेलंगणाच्या गोलापल्ली गावातील श्रीनिवास यकृताशी आजाराशी झुंज देतो आहे. त्याला करिमनगरमधील मीनाक्षी सुपरस्पेशालिटी रुग्णालयात दाखल करण्यात आलं. रुग्णालयात भरती करून 25 दिवस झाले. त्याच्या प्रकृतीत सुधारणा दिसत होती. पण त्याच्या हातापायाची हालचालच होत नव्हती. त्याच्या हातापायाला लकवा मारल्यासारखं झालं. अखेर नर्सिंग स्टाफने त्याच्यावर एक एक्स्परिमेंट करायचं ठरवलं. त्यांनी वरिष्ठांकडून परवानगी घेतली. त्यांनी आयसीयूमध्ये असलेल्या श्रीनिवाससमोर फिल्ममधील फास्ट बिट गाणं लावलं आणि त्याच्यासमोर त्या नाचू लागल्या. गाणं ऐकून आणि त्यावर नर्सला नाचताना पाहून श्रीनिवासही उत्साहीत झाला. तोसुद्धा नाचण्याचा प्रयत्न करू लागला. आश्चर्य म्हणजे श्रीनिवासच्याही शरीराची हालचाल होऊ लागली. तो आपले हातपाय हलवू लागला.

तेलंगणाच्या रुग्णालयातील नर्सचा रुग्णावर अनोखा प्रयोग; फक्त डान्स पाहून बरा झाला रुग्ण. pic.twitter.com/uYA0L614W1

— News18Lokmat (@News18lokmat) April 6, 2022

या डान्स एक्सपरिमेंट रुग्णाची फक्त शारीरिकच नव्हे तर मानसिक आरोग्यही सुधारलं आहे, असं रुग्णालय प्रशासनाने सांगितलं. श्रीनिवास जसा या एक्स्परिमेंटला पॉझिटिव्ह प्रतिसाद देऊ लागला. तसं त्याला आयसीयूमधून जनरल वॉर्डमध्ये हसवण्यात आलं. श्रीनिवासवर आता फिझियोथेरेपी सुरू आहे. यामुळे तो लवकरात लवकर बरा होईल असा आशेचा किरण त्याच्या कुटुंबाला दिसला आहे. हे वाचा - मुंबईत आढळलेल्या भारतातील पहिल्या XE Variant Patient काय आहे अवस्था? दरम्यान नर्सच्या डान्सने बरा झालेला हा पहिला रुग्ण नाही. याआधी सामाजिक कार्यकर्त्या नंदिनी वेंकटाद्री यांनीही आपल्या ट्विटर अकाऊंटवर एका रुग्णालयातील हा व्हिडीओ पोस्ट केला होता. त्यातही एक नर्स रुग्णासमोर अशीच डान्स करत होती.

This clever nurse was giving her paralytic patient some physiotherapy exercises..and did this dance number to make him be in high spirits . She extracted co-operation and we can see his smile and joy doing those exercises . 👏🏼👏🏼👏🏼 pic.twitter.com/ZG17VOfB34

— Nandini Venkatadri🇮🇳 (@NandiniVenkate3) January 23, 2022

व्हिडीओत पाहू शकता एक लकवाग्रस्त रुग्ण (Paralytic Patient) बेडवर झोपलेला आहे. त्याच्या शेजारी दोन नर्स उभ्या आहेत. या नर्स त्याला फिजिओथेरेपी देताना दिसत आहेत (Physiotherapy Exercise Video). पॅरालिसिस रुग्णाकडून त्या एक्सरसाईझ करवून घेत आहेत. पण ही थेरेपी त्याला वेगळ्या पद्धतीने दिली जात होती. हे वाचा - कसं शक्य आहे! किडनी इन्फेक्शनवर उपचार करायला गेली महिला आणि अचानक जन्माला आलं बाळ लकवाग्रस्त रुग्णाच्या शरीराची हालचाल व्हावी म्हणून नर्सने मोठ्या आवाजात गाणं लावलं आणि स्वतः डान्स करून लागली तिला पाहून रुग्णाच्या अंगात संचारलं. अंथरूणातच रुग्णही तिला पाहून थिरकू लागला. जो रुग्ण आपलं शरीर हलवूही शकत नव्हता. तो चक्क डान्स करू लागला. आनंदाने आपले हात हलवत होता. त्याच्या चेहऱ्यावर आनंदही झळकत होता.