Home /News /lifestyle /

मूल व्हावं म्हणून प्रसिद्ध मॉडेल दररोज खाते अंडी; डॉक्टरांनी सांगितलं किती प्रभावी आहे हा उपाय

मूल व्हावं म्हणून प्रसिद्ध मॉडेल दररोज खाते अंडी; डॉक्टरांनी सांगितलं किती प्रभावी आहे हा उपाय

प्रतीकात्मक फोटो

प्रतीकात्मक फोटो

प्रसिद्ध मॉडेलने आपण आपली फर्टिलिटी वाढवण्यासाठी आयुर्वेदाची मदत घेत असल्याचा खुलासा केला आहे.

    वॉशिंग्टन, 22 जून : आई होण्याचं सुख प्रत्येक महिलेला अनुभवायचं असतं. महिलांसाठी हा सर्वात अनमोल असा क्षण असतो. पण काही कारणांमुळे काही महिला या सुखापासून वंचित राहतात. त्या प्रेग्नंट होऊ शकत नाही. मग आपली प्रजननक्षमता वाढवण्यासाठी, मूल व्हावं यासाठी महिला कित्येक उपाय करत असतात. पण एक प्रसिद्ध मॉडेल मूल व्हावं यासाठी दररोज अंडी खाते. तिने आपली फर्टिलिटी वाढवण्यासाठी आयुर्वेदाची मदत घेतली आहे. ही मॉडेल आहे कॉर्टनी कार्दशियन (Kourtney Kardashian eats quail eggs for fertility). अमेरिकेतील मॉडेल कॉर्टनी आणि तिचा नवरा ट्रेव्हिस बार्कर आईबाबा होण्यासाठी प्रयत्न करत आगेत. कॉर्टनीने आपल्या आयव्हीएफ ट्रिटमेंटबाबत सांगितलं होतं. तिने आपण  फर्टिलिटी वाढवण्यासाठी पंचकर्म थेरेपी घेतल्याचंही सांगितलं. काही दिवसांपूर्वीच कॉर्टनीने याबाबत खुलासा केला आहे की ती आणि तिचा नवरा फूल बॉडी डिटॉक्सवर होते. सेक्स, एक्सरसाइझ  आणि कॉफी पिणं यापासून दूर होते. त्यांनी पंचकर्म थेरेपी घेतली होती. मूल होण्यासाठी ती दररोज क्वील पक्ष्याची अंडी खाते.
    एका शोमध्ये तिला याच पक्ष्याची अंडी का कोंबडीची का नाही खात यावर तिने क्वील पक्ष्याची अंडी गर्भधारणेत मदत करत असल्याचं सांगितलं. हे वाचा - OMG! एका महिलेने तब्बल 69 मुलांना दिला जन्म; VIRAL PHOTO मागील नेमकं सत्य काय? बेबी कन्सिव्ह करण्यासाठी ती खास डाएट घेत आहे. यानंतर खरंच या पक्ष्याची अंडी खाल्ल्याने प्रजननक्षमता वाढते का, असा प्रश्न पडला आहे. क्वील पक्ष्याची अंडी खाल्ल्याने खरंच प्रजननक्षमतेवर परिणाम होतो? वेब एमडी वेबसाईटवर दिलेल्या माहितीनुसार क्वील पक्ष्याच्या अंडीत प्रोटिन, व्हिटामिन सी आणि व्हिटामिन ए असतं. त्यामुळे ही अंडी मांसपेशी बनवण्यात, पचन वाढवण्यात मदत करतात आणि इम्युनिटी मजबूत करतात. एका अंड्यातून पुरेशा प्रमाणात व्हिटामिन बी12 मिळतं, जे मेटाबॉलिज्म वाढीस मदत करतं आणि मेंदूचं आरोग्य सुधारतं. काही लोकांच्या मते क्वील पक्ष्याची अंडी लैंगिक आरोग्यासाठी चांगली असल्याचं मानलं आहे. पण ती प्रजननक्षमता वाढवण्यात फायदेशीर आहे, याचे पुरावे नाहीत.  2017 साली डायबिटिक उंदरावर केलेल्या संशोधनत या अंड्यामुळे त्या उंदरात ऑक्सिडेटिव्ह स्ट्रेल घटल्याचं आणि टेस्टिकुलर सेल रिपेअरला चालना मिळाल्यासं दिसून आलं. हे वाचा - बेडरूममध्ये एकटं झोपायला घाबरत होती लेक; कारण समजताच हादरली आई नवभारत टाइम्सच्या वृत्तानुसार टाइम्स ऑफ इंडियातील एका लेखात आहारतज्ज्ञ तमसीन जॉर्डन यांनी सांगितलं की, क्वील पक्ष्याच्या अंड्याचा प्रजननक्षमतेशी काही संबंध नाही. या अंड्यामुळे गर्भधारणेत मदत होते, यावर अधिक संशोधन करण्याची गरज आहे.
    Published by:Priya Lad
    First published:

    Tags: Lifestyle, Pregnancy, Woman

    पुढील बातम्या