कोरोना संक्रमणात संजीवनी ठरू शकते 'व्हिटॅमिन डी'; जाणून घ्या नवा संशोधन अहवाल

कोरोना संक्रमणात संजीवनी ठरू शकते 'व्हिटॅमिन डी'; जाणून घ्या नवा संशोधन अहवाल

कोरोना विषाणूच्या गंभीर संसर्गापासून बचाव करण्यासाठी व्हिटॅमिन डीची महत्त्वाची भूमिका आढळली आहे. अभ्यासानुसार, शरीरात व्हिटॅमिन डीचे पुरेसे प्रमाण असणे केवळ संसर्ग गंभीर होण्यापासून रोखू शकत नाही, तर मृत्यूचा धोका देखील टाळू शकते.

  • Share this:

Vitamin D Fights Corona Infection : कोरोनाच्या काळात शरीराला निरोगी ठेवणं ही पहिली महत्त्वाची गोष्ट आहे. दीर्घकाळापर्यंत आजारांपासून दूर राहायचे असेल तर यासाठी तुम्हाला इतर आवश्यक जीवनसत्वे आणि पोषक तत्त्वांप्रमाणे व्हिटॅमिन डीचा आपल्या आहारात समावेश करणे आवश्यक आहे. सूर्यप्रकाश हा व्हिटॅमिन डीचा सर्वात मोठा नैसर्गिक स्रोत आहे. म्हणून, हाडे, स्नायू आणि दात निरोगी आणि मजबूत करण्यासाठी व्हिटॅमिन डीची आवश्यकता असते. एवढेच नाही तर व्हिटॅमिन डी आपल्या शरीरातील हाडांपर्यंत कॅल्शियम पोहोचवण्याचे काम करते.

दैनिक जागरणमध्ये प्रकाशित झालेल्या अहवालानुसार, व्हिटॅमिन डी तुम्हाला कोरोनाच्या गंभीर संसर्गापासून वाचवू शकते. नवीन अभ्यासानुसार, कोरोना विषाणूच्या गंभीर संसर्गापासून बचाव करण्यासाठी व्हिटॅमिन डीची महत्त्वाची भूमिका आढळली आहे. अभ्यासानुसार, शरीरात व्हिटॅमिन डीचे पुरेसे प्रमाण असणे केवळ संसर्ग गंभीर होण्यापासून रोखू शकत नाही, तर मृत्यूचा धोका देखील टाळू शकते. आंतरराष्ट्रीय अभ्यासाच्या आधारे हा निष्कर्ष काढण्यात आला आहे.

नवीन अभ्यासातील निष्कर्ष -

आयर्लंडमधील ट्रिनिटी कॉलेज, स्कॉटलंडमधील एडिनबर्ग विद्यापीठ आणि चीनमधील झेजियांग विद्यापीठातील संशोधकांच्या गटाने हा अभ्यास केला आहे. अभ्यासाचे निकाल जर्नल सायंटिफिक रिपोर्ट्समध्ये प्रकाशित झाले आहेत. अभ्यासामध्ये व्हिटॅमिन डीच्या अनेक स्तरांवर माहिती घेतली गेली. ज्याच्या आधारे संशोधकांनी सांगितले की, व्हिटॅमिन डी गंभीर रोग आणि कोरोनाच्या मृत्यूपासून संरक्षण करू शकते.

झेजियांग विद्यापीठाचे संशोधक झू ली म्हणाले, 'आमचा अभ्यास व्हिटॅमिन डी चा वापर कोणत्या आजारांमध्ये उपयोगी आहे, याबाबत आहे. त्यामुळं केवळ हाडे आणि स्नायूंचे आरोग्य चांगले राहते असे नाही तर कोरोनापासून संरक्षण देखील देऊ शकते.

व्हिटॅमिन डी पूरक आहार

या अभ्यासाशी संबंधित ट्रिनिटी कॉलेजच्या प्राध्यापक लीना जगागा म्हणाल्या, 'कोरोना चाचणीमध्ये व्हिटॅमिन डी पूरक आणि सुरक्षित असल्याचे आढळले आहे. ही प्रतिबंधाची आर्थिक पद्धत असू शकते.’ अभ्यासकांनी व्हिटॅमिन डीची कमतरता आणि कोरोना यांच्यातील संबंध आधीच उघड केला आहे.

हे वाचा - अमेरिकेकडून मोठी चूक; काबूल विमानतळावरील ड्रोन हल्ल्यात 10 निष्पाप नागरिकांचा मृत्यू, मागितली माफी

व्हिटॅमिन डी कसा पुरवायचा

हेल्थलाइनच्या मते, जेव्हा आपण सूर्यप्रकाशाच्या संपर्कात असतो, तेव्हा शरीर स्वतःच व्हिटॅमिन डी बनवू लागते. हेच कारण आहे की या व्हिटॅमिनला सनशाईन व्हिटॅमिन असेही म्हणतात. तथापि, असे काही पदार्थ आहेत ज्यात व्हिटॅमिन डी असते. उदाहरणार्थ, सॅल्मन, लिव्हर ऑइल, ट्यूना, अंड्यातील पिवळ बलक, मशरूम, गाईचे दूध, सोयाबीनचे दूध, संत्र्याचा रस, ओटमील इत्यादींचे सेवन करून शरीरात व्हिटॅमिन डी पुरवले जाऊ शकते. या व्यतिरिक्त, आपण व्हिटॅमिन डी पूरक इत्यादी काही पदार्थ देखील घेऊ शकता.

Published by: News18 Desk
First published: September 18, 2021, 1:11 PM IST

ताज्या बातम्या